اسلام آباد۔ 09 فروری (اے پی پی) اٹلی ٹی رہینگوک آ پاکستانی کارندہ غاتا زر رادہ کننگ نا کچ اٹی برجامالی سال انا اولیکو ششماہی ٹی 47 درسد ودکی ریکارڈ کننگانے۔ اسٹیٹ بینک آف پاکستان نا رداٹ جولائی آن ہلیس دسمبر 2020ء اسکان نا مد اٹی اٹلی ٹی کاریم کروک آ پاکستانی ورکرآک 286.3 ملین ڈالر نا زرمبادلہ ملک آ گدریفیر، دا کچ تدوک آ مالی سال انا ہندا مد انا مقابلہ ٹی 47 درسد زیات ءُ۔ تدوک آ مالی سال انا ہند امد اٹی اٹلی ٹی کاریم کروک آ پاکستانی ورکرآک 194.7 ملین ڈالر نا زرمبادلہ ملک آ گدریفیسر۔ حساب وکتاب نا رداٹ دسمبر 2020ء ٹی اٹلی ٹی کاریم کروک آ پاکستانیک 56 ملین ڈالر نا زرمبادلہ ملک آ گدریفیر۔ دسمبر 2019 ء ٹی اٹلی ٹی کاریم کروک آ پاکستانی ورکرآک 32.3 ملین ڈالر نا زرمبادلہ ملک آ گدریفیسر۔ یات سلے کہ حکومت نا کنڈآن کانودی و بینکنگ ذریعہ اٹ زررادہ کننگ نا است بڈی کن گام گیج و ترغیب آتیٹی برجامالی سال اٹی سمندرپار پاکستانی تا کنڈآن ترسیلات زر ملک آ گدریفنگ نا کچ اٹی اولیکو ششماہی ٹی 24.9 درسد نا نمان ودکی مسنے۔
