اسلام آباد۔8فروری (اے پی پی): بنجاھی وزیر اھوالکاری ءُ شنگ کاری سنیٹر شبلی فراز ءَ گوشت کہ سیاسی گل ءُ پارلیمنٹری گچین کاری کار ساپ ءُ سلہ ئی ءِ گوما یک پجیگ ءَ اوشتاتگ لوٹ ایت۔ ایش ءَ چہ جمہورت ءُ پارلیمان ءِ شرپ ءِ تہ ءَ گیشی بیت۔ دو شمبے ءَ بنجاھی وزیر سینیٹر شبلی فراز ءَ وتی ٹویٹ ءَ گوشت کہ ووٹ آنی بھا ءُ سیم ءُ ہارس ٹریڈنگ ءَ چہ کانود ءُ جمہوریت ءِ ازمت بوت نہ کنت، زر ءِ وسیلگ ءَ ایوان ءِ بالا ءِ باسک جوڑ بوھگ ءِ مٹ ءَ زاتی سیت آنی رکھینگ ءَ مھکم داراں۔ آئی ءَ گوشت کہ ملک ءَ کرپشن ءَ ھلاسی ءُ ساپ ءُ سلہ ئی ءَ را دل یکیمی جوڑ کنگ مزن وزیر عمران خان ءِ اول سرئی کار انت ءُ اے مول ءُ مراد ءِ در جنگ ءِ کوشست ءَ اچبر پشت کنز نہ بیت۔
