اسلام آباد۔ 08 فروری (اے پی پی) پاکستان فلیٹ ریئر ایڈمرل نوید اشرف پارینے کہ امن مشق 2021ء ٹی 45 ملک آتا فوج شریک مریک، ڈیہہ ٹی امن و سوگوی ءِ پک کننگ کن اسیجائی میری ٹائم سیکورٹی بھاز اہمیت تخک، کمانڈ رپاکستانی فلیٹ، ڈیہہ ٹی امن و سوگوی ءِ پک کننگ کن اسیجائی میری ٹائم سیکورٹی بھاز اہمیت تخک۔ دوشنبے نادے آ پاک بحریہ نا رداٹ مروک آ کثیر القومی بحری مشق امن نا بابت میڈیا حوال ترسا کمانڈر پاکستان فلیٹ ریئر ایڈمرل نوید اشرف پارے کہ پاک بحریہ 2007ء آن امن مشق اڈتننگ ءِ۔ بحری مشق امن علاقائی ہم آہنگی، تین پہ تینی کمکاری ءِ مون آ دننگ و کثیر الجہتی گڑتی تا برخلاف متحدہ عزم انا درشانی ءِ۔ جہانی بحری مشق امن معلومداری تا ہڷ و تس، تین پہ تینی امنائی سلاہ و اسیجائی بحری فائدہ غاتے تالان کننگ کن اسیجائی پلیٹ فارم اس فراوان کیک۔
