راولپنڈی۔ 08 فروری (اے پی پی) چین نا پیپلزلبریشن آرمی و چینی الس نا کنڈآن پاکستان نا سلہہ بند فوج اکن ویکسین عطیہ کننگانے ہرا چین انا فوج انا کنڈآن مچ آ دنیا ٹی ملک اسے نا فوج ءِ ویکسین نااولیکو عطیہ ءِ۔ آئی ایس پی آر نا رداٹ پاک فوج’’نیشن فرسٹ‘‘ نا روایت ءِ برقرار تخسا چینی فوج انا کنڈآن عطیہ کروک آ دا ویکسین ءِ فرنٹ لائن ہیلتھ ورکرآتیکن قومی ویکسین مہم کن عطیہ کننگ نا فیصلہ کرینے، آئی ایس پی آر نا رداٹ مچ آ ملک اٹی فرنٹ لائن آ کاریم کرسا نہادی جان بے بچفوک آ طبی عملہ اصل ہیروک ءُ۔ پاکستان نا سلہہ بند فوج انا کنڈآن پیپلزلبریشن آرمی و چینی الس نا کنڈآن ویکسین عطیہ کننگ آ است انا حب اٹ منت واری ءِ ہرفنگانے۔
