کوئٹہ۔ 08 فروری (اے پی پی) وزیر داخلہ بلوچستان میر ضیاء لانگو نا ضلع قلات نا تحصیل کوٹ لانگو/ منگچر نا علاقہ خراسانی ٹی نادرست بندغ آتا سم کاری آن 3 مزور آتا زوال مننگ آ است ہسونی نا درشانی ءِ کرسا خون نا واقعہ نا سخت نوٹس ءِ ہلسا ڈپٹی کمشنر قلات آن رپورٹ بٹنگانے ، واقعہ ٹی اوار دوبہ دار آتا زوت آن زوت دزگیری نا پرمان کرے، وزیر داخلہ پارت کرے کہ کہوک آتا خاہوت ءِ ہر قیمت آ انصاف تننگک، اوسانحہ نا خاہوت آتون ہمدردی و ہڑزخواہی نا درشانی ءِ کرے۔ وزیر داخلہ میر ضیاء اللہ لانگو خون اٹ اوار دوبہ دار آتے زوت آن زوت کانود نا گرفت اٹ اتنگ نا پرمان کرسا پارے کہ واقعہ ٹی اوار دوبہ دار آک ہچ ءُ رعایت اسے نا حقدار افس۔

متعلقہ مضامینمصنف کی طرف سے مزید