معاشی ٹک آنی گہتری اے گپ ءِ چیدگ انت کہ پاکستان دیمروئی ءِ سفر ءَ رھادگ انت، کرپشن ءِ ھلاپ ءَ جنگ مشکل ءُ دراج بُر انت، سرجمیں ملک ءَ کرپشن ءِ ھلاسی ءَ وھد لگ ایت، صدر مملکت ڈاکٹر عارف علوی
اسلام آباد۔7فروری (اے پی پی):صدر مملکت ڈاکٹر عارف علوی ءَ گوشت کہ حکومت ءِ نیمگ ءَ جوڑیشتی شوبگ ءُ صنعت آناں داتگیں پیکیجز آنا گہتریں آسر دیم ءَ سہرا بوتگ انت۔ معاشی ٹک آنی تہءَ گہتری اے گپ ءِ چیدگ انت کہ پاکستان دیمروئی سفر ءَ رھادگ انت، کرپشن یک سلیں نادراھی انت، کرپشن ءِ ھلاپ ءَ جنگ مشکل ءُ دراج بر انت، ملک ءَ چہ کرپشن ءِ ھلاسی ءَ وھد لگ ایت، ریپ ءُ زھگ آنی لٹ ءُ کُٹءِ واکیہ ءَ چہ تکلیف بیت، ایشانی گر ءُ دار ءِ واستہ گامگیج چست کنگ ءَ انت۔ ایشانی گر ءُ دار ءِ واستہ گامگیج چست کنگ ءَ انت۔ آئیءَ گوشت کہ صدارت منی کرا الس ءِ یک امانت ات ایشی ءَ منا مردم آنی ازمت ءِ موہ داتگ۔ من ھدا ءِ کرا جوابدہ آں۔ مزن وزیر عمران خان ءَ منا ھما زمہ واری داتگ ایشرا سرجم کنان ءِ واستہ گیشاں چہ گیش کار کناں امریکہ ءُ یورپ ءَ ھم گورننس ءِ گہتری ایشوانت۔ آئی ءَ گوشت کہ حکومت ءَ را گورننس ءِ گہتری ءُ گران بھائی کم کنگ ءِ واستہ گیش گامگیج چست کنگ لوٹ ایت۔
