اھوال : ظہیر الحق
رجانک : اورنگزیب اسلم بلوچ
مرچگیں نوکیں زمانگ ءَ صنعتی شوبگ کجام ھم ملک ءِ معاشی دیمروئی نمبگ ءِ دیمروئی ءُ السی گہبود ءِ واستہ بنیات پجاری کنت انت۔ جتا جتائیں ملک ءُ حکومت اقتصادی سست روی ءَ چہ رکھگ ءِ واستہ مُدام جوانیں صنعتی شوبگ ءِ برجائی ءَ کن انت ءُ بازیں مشکلیں جاور آنی ساھت ءَ شوبگ ءَ کمک ءِ کار ءَ جاڑی انت ۔ اے ھوالگ ءَ ھمکل رنگیں گامگیج کنگ بیت ایشی ءَ نا ایوک ءَ برآمدی پڑے تہ ءَ گیشی بیت بلکینگ ءَ گیر ضلوری وام آنیبار ءَ چہ رکھگ ءَ کمک رس ایت۔ دومی نیمگ ءَ کاروبار ءِ جھل ءُ برزی ، لٹ ءُ پُل ، دورگ ءُ یڈہاک ازم ءِ سبب ءَ معاشی دیمروئی کار آماچ بیت۔ ءُ دیمروئی کنوکیں ملک آنی گیشتریں جاہ آں ھمے جاور بنت ۔ ھمودا ھاسیں دمگ آنی مردم آسراتی آناں زاتی مول ءُ مراد آنی واستہ کارمرد کناں۔
پاکستان ءَ را ھم ھمے رنگیں جاور آنی گوما دیم پہ دیمی بوتگ وھد ءِ گوستگیں حکومت آنی پالیشی آنی سبب ءَ صنعتی شوبگ سک باز آماچ بوتگ ءُ بازیں صنعتی شوبگ بند بوتگ انت وھدیکہ ایندگر صنعتی ادارگ آنی پیداوار 40 درسد ءَ چہ کمک بوتگ انت۔ درستاں چہ گیش آماچیں شوبگ پاور لومز ایگ انت ءُ بازیں مالک وتی صنعت آنیمشینری ٹینوک ءِ ریٹ ءَ بھا کن انت۔ پدا ھم استیں حکومت ءَ صنعتی شوبگ ءِ برجائی ءِ سر ءَ دلگوشی داتگ ءُ اے مول ءُ مراد آنی واستہ کاروبار دوستیں پالیشی رد ءُ بند کتگ۔ میاں اوستمانی تک ءَکویڈ-19 ءِ جاور ھال آنی سبب َ ھندی صنعت کار آناں موہ بہ رس ایت تانکہ برآمدی پڑ ءَ گیشی بہ بیت۔
صنعتی ادارگ آں وتی سرجمیں کار رپک ءَ چہ پیداوار بندات کتگ چیا کہ ٹوھیں برآمدی آرڈر آنی سرجمی ءَ را دل یکیمی جوڑ کنگ بہ بیت ایشی ءَ چہ روزگار ءِ لکھانی موہ پیداک بنت۔ کرونا ھوپ ءِ ساھت ءَ حکومت ءَ باز جوانیں ءَ گوں گامگیج کتگی ایشی ءَ ورکرز آناں پاسبانی رستگ ۔ ایشی ءَ ھوار صنعتی شوبگ ءِ دیمروئی نمبگ ھم گیش ود اتگ انت۔ حکومت ءَ برآمدی شوبگ ءِ سر ءَ ھاسیں دلگوشی داتگ ء اے نونٹس آناں گیشاں چہ گیش آسراتی پجاری کتگ۔ سٹیٹ بینک آف پاکستنا ءَ صنعتی یونٹس آنی مالی کمک ءِ واستہ جوانیں گامگیج کتگ۔ موٹروے ایم تھری ءِ سر ءَ صنعتی شہر ءِ جوڑ کنگ کار بندات کتگ ایشی ءَ ابید علامہ اقبال انڈسٹریل اسٹیٹ ھم سرجم بوھگ ءِ نزیک ءَ انت۔ اے وھد ءَ صنعتی یونٹس ءُ ایس ایم ایز آنی کرا پیداواری کار گشاد ءَ چہ سئے سرئی گیش برآمدی آرڈرز است انت۔ ایشی ءَ چہ اے پیداوری ازم ءَ را گیش ودینگ ءِ نیمگ ءَ دلگوشی دیگ کپتگ تانکہ برآمدی آڈر آناں وھد ءُ موہ ءِ سر ءَ دیلور کنگ بہ بیت۔ امیت انت کہ ٹیکسٹائل ءِ شوبگ ءَ کم چہ کم 4 ہزار ائیر جیٹ لومز نوکیں جنگ بیت ایشی ءَ راجی برآمدات آنی تہ ءَ گیشی امیت انت۔
فیصل آباد ایوان صنعت ءُ تجارت ءِ صدر انجینئر حافظ احتشام جاوید ءَ گشت کہ اے گپ ٹوھیں دلبڈی انت کہ اکتوبر تاں دسمبر 2020 ءِ ساھت ءَ برآمدی چیز آنی کساس 2 ارب ڈالر ھمک ءَ چہ 20357 ارب ڈالر ھمک ماہ ءَ تاں پج اتگ۔
دومی نیمگ ءَ حکومت ءَ مشینری ءِ درآمدی ءِ سرئَ ھم پالیشی ءَ نرمی ءُ آسراتی سہرا کتگ ءُ دراج بُریں وھد ءُ پاس آنی وام پجاری کتگ۔ آئی ءَ گوشت کہ اے وھد ءَ جتا جتائیں صنعت کار 30 تاں 35 ہزار ائیر جیٹ لومز درآمد کنگ ءَ انت ایشی ءَ چہ شوبگ ءَ را ڈیجیٹل میشنری ءِ سر ءَ ٹرانسفر کنگ بوت کنت۔ آئی ءَ گوشت یکہ اے گام ءَ چہ روزگار ءِ گیشاں چہ گیش موہ پیداک بنت ءُ آیوکیں دو یا سئے سال ءَ ایوک ءَ فیصل آباد ءَ 10 ملین نوکیں روزگار ءِ موہ پیداک بنت۔
حافظ احتشام ءَ گیش گوشتکہ فیصل آباد آنڈرسٹریل اسٹیٹ اینڈ مینجمنٹ کمپنی فیڈمک ءَ پیسر ءَ چہ استیں ءُ نوکیں زونز آنی جوڑیشت ءُ دیمروئیءِکار ءَ ترند کتگ۔ آئی ءَ گوشت کہ ما سرمایہ کاری، کاروباری آسانی ٓ ءُ کار رپک ءَ گیش شرتر جوڑ کنگ ءِ واستہ گامگیج آنی توسپ ءُ ساڑات ءَ کناں۔
پاکستان ہوزری مینوفیکچرز اینڈ ایکسپورٹرز ایسوسی ایشن ءِ پیسریگیں وائس چیئرمین ءِ شف ضیا ءَ گوشت کہ حکومت ءَ مالیات ءِ آسراتی ءَ را کامیاتی ءَ گوں گیوار کتگ ءُ اے ھوالگ ءَ برآمدی شوبگ ءَ را ریفنڈز آنی زوتاں زوت وھد ءُ موہ ءِ سر ءَ پجاری کنگ بوھگ ءَ انت۔ آئی ء۔ گوشت کہ حکومت ءِ گامگیج ءَ چہ برآمد کنوک آنی مالی مشکل آنی ھلاسی ءَ کمک ءِ گوما دل یکیمی ھم گیش بیت۔
آل پاکستان ٹیکسٹائل پراسینسنگ ملز ایسوسی ایشن فیصل آباد ریجن ءِ چیئرمین شیخ شاہد جاوید ءَ گوشت کہ یک وھد ءِ فیصل آباد ءَ پاکستان ء، مانچسٹر پھمگ بوتگ پدا ھم گوستگیں حکومت آنی نہ وشیں پالیشی آنی بدولت ءَ اے شرپ ھلاس بوتگ بلے استیں حکومت ءِ جوانیں پالیشی آنی بدولت ءَ اے شوبگ ءِ واستہ جوانیں گامگیج ءُ دیمروئی سہرا بوتگ۔ آئیء۔ گوشت کہ مزن وزیر عمران کان ءِ پراھ ءُ شاھیگانیں ویژن ءِ سبب ءَ بازدلبڈی بوتگ ءُ راجی معیشت ءَ را دیمروئی ءِ انجن صنعتی شوبگ ءِ گہتریں کار کرد ءِ بدولت ءَ جوانیں آسر دیم ءَ دہرا بوھگ ءَ انت۔
آئی ءَ گیش گوشت کہ ھمے رنگ ءَ فیصل آباد ءَ ھم واٹر جیٹ لومز آنی سئے یونٹس جنگ بوتگ گتانکہ ھندی لوٹ ءَ را پیلو کنگ بہ بیت۔ آئی ءَ گوشت کہ حکومت ءِ توان ءُ گیش ءِ نیاد ءَ ریلیف ءِ گامیگیج آشوبی انت ءُ صنعت کار ھم راجی معشیت ءِ برجائی ءِ واستہ حکومت ءِ گیشاں چہ گیش کمک ءَ کن انت۔
