اسلام آباد۔7فروری (اے پی پی): مزن وزیر عمران خان ءِ ویژن ءِ رد ءَ چاگرد ءِ ھمزوریں تبک ءَ را گس جوڑیشت ءَ کمک دیگ ءِ رد ءَ حکومت ءَ اے کامیاتی رستگ انت۔ حکومت ءِ نیمگ ءَ نامداریں گل اخوات ءَ را پجاری کتگیں پنچ ارب کلدار ءِ زر آنی برورد رسگ بندات بوتگ، مزن وزیر کارگس ءِ نیمگ ءَ جاڑی کتگیں بیان ءِ رد ءَ انوگ ءَ تاں ھپت ءُ نیم ارب کلدار 7572 گس آنی جوڑیشت ءِ واستہ 3.35 ارب کلدار کارمرد کنگ بوتگ ءُ انوگ ءَ تاں پجاری کتگیں زر آنی ریکوری ءِ رد ءَ سد درسد بوتگ۔ واتر رستگیں زر آناں گیش ھاندان آناں پجاری کنگ بوھگ ءَ انت وھدیکہ 2416 گیش دزبندی آنی سر ءَ کار جاڑی انت، سیت مند بوھوکیں ھاندان آنی گیشیں کساس اے رنگیں مردم آنی ایگ انت ھما مالی رد ءَ ھمزور بوتگ انت۔ پروگرام ءَ چہ سیت مند بوھوکیں ھاندان آناں مزن وزیر عمران خان ءَ گوں دل یکیمی ءِ درشان کتگ۔
