ملتان۔7فروری (اے پی پی): وزیر ءِ درئی کار مخدوم شاہ محمود قریشی ءَگوشت کہ اے اوپن بیلٹ ءِ کوشست ءَ کنگ ءَ انت۔ سینیٹ الیکشن ءَ سرجمیں راج ءَ را پھمگ ءِ ضلورت انت ما اوپن بیلٹ چیا کنگ ءَ آں۔ سرجمیں پاکستان زانت کہ سینیٹ ءِ الیکشن ءَ بھا ءُ سیم بیت۔ ملتان ءَ میڈیا ءَگوں تران کنان ءَ آئی ءَ گوشت کہ سینیٹ ءَ گوستگیں الیکشن ءَ ھم باسک آنی بھا ءُ سیم گوں برجمیں رنگ ءَ کنگ بوتگ۔ تحریک انصاف ءِ بن گپ انت کہ باسک آنی بھا ءُ سیم بند کنگ بہ بیت۔ تحریک انصاف ءِ بن گپ انت کہ ضمیر آنی بھا ءُ سیم ءِ منڈی بند بہ بیت۔ سینیٹ ءِ الیکشن ءَ ھما منڈی جنگ بیت ایشاناں بند بوھگ لوٹ ایت۔ آئی ءَ گوشت کہ گوستگیں الیکشن ءَ ھم اے چیز ءَ نوٹس زرتگ بوتگ۔ ھر کس ھما پارٹی ءِ نشان ءِ گیچین بوھان ءَ اتکگ انت آ ھمیش آناں ووٹ بدینت۔ ایش ایوک ءَ تحریک انصاف ءِ بن گپ نہ انت ایش چارٹر آف ڈیموکریسی ءَ نبشتگ انت۔ وھد ءِ توامیں پارٹی آں اوپن بیلٹ ءِ گوشتگ گڈا نوں پشت ءَ چیا کنزگ ءَ انت۔
