سرینگر۔6فروری (اے پی پی):بھارت ءِ گیر کانودی رنگ ءَ آوار جتگیں جموں کشمیر ءَ آزاتی دوست داروکیں سروک ءُ گل آناں ” کشمیر ءَ گوں یکوئی” ءِ روچ ءَ را جوانیں رنگ ءَ برجم دارگ ءِ پد ءَ پاکستان ء، حکومت ءُ الس آنی شگر ءُ منت گپت۔ کشمیر میڈیا سروس ءِ رد ءَ کل جماعتی حریت کانفرنس ءِ سروک ءُ جموں کشمیر ڈیموکریٹک پولیٹیکل موومنٹ ءِ چیئرمین خواجہ فردوس ءَ سرینگر ءَ جاڑیگیں یک بیان ءِ اندر ءَ گوشت کہ کشمیر ءَ گوں یکوئی درشان کنگ ءِ رد ءَ برجم دارگ ءَ چہ بھارت ءَ را اے کلوہ رستگ کہ کشمیری ایوک نہ انت۔ بلکینگ ءَ پاکستان ءِ 22 کروڑ الس آوانی پشت ءَ انت۔ آئی ءَ مزن وزیر پاکستان عمران خان ءِ کشمیر ءَ گوں یکوئی درشان کنگ ءِ ھاترا آزات جموں کشمیر ءِ شہر کوٹلی ءَ کتگیں گشتانک ءَ را ساڑات ایشی ءَ چہ کشمیر ءِ جیڈھ ءَ را کشمیری الس آنی واھشت ءُ یونائیٹڈ نیشن ءِ منوگری آنی رد ءَ گیوار کنگ ءِ ضلورت ءِ سر ءَ زور پر دات۔
