اسلام آباد۔6فروری (اے پی پی): مزن وزیر عمرنا خان ءَ گوشت کہ ملک ءِ آیوکیں باندات وانگ ءُ زانگ ءَ گوں بندوک انت، ٹوھیں کلاس آنی سلیبس ءَ سیرت النبی ﷺ ءِ بن گپءَ را ھوار کنگ ءِ مول ءُ مراد نودربر آناں اسلامی زانت ءُ سرپدی آں چہ سرپد ءُ سئیگ کنگ انت۔ تکنیکی ءُ ازمی وانگ ءُ زانگ ءِ ادارگ آنی پجاری کتگیں ھیل کاری ءَ را مارکیٹ ءِ ضلورٹ آنی رد ءَ دل یکیمی جوڑ کنگ بہ بیت ءُ وانگ ءُ زانگی ادارگ ءُ مارکیٹ ءِ نیام ءَ سیادی ءَ را مھکم کنگ ءِ ھوالگ ءَ ھاسیں دلگوشی دیگ بہ بیت۔ آئی ءَ اے ھیالانی درشانی شمبے ءَ نالج اکانومی ءِ دیمروئی ءِ بابت ءَ دیوان ءِ سروکی ءَ کنان ءَ کت۔ دیوان ءَ وزیر ءِ وانگ ءُ زانگ شفقت محمود، سیکرٹری منصوبگ بندی، سیکرٹری وانگ ءُ زانگ ، ڈاکٹر عطاالرحمن، پروفیسر شعیب خان، پروفیسر ناصر خان ءُ کلانہ ایں اپسرگ آں شرکت کت۔ دیوان ءِ ساھت ءَ ملک ءَ نالج اکانومی ءِ دیمروئی ءِ بابت ءَ جتا جتائیں منصوبگ ءِ دیمروئی کار آںی سر ءَ چار ءُ تپاسی گرگ بوت۔ وزیر ءِ وانگ ءُ زانگ شفقت محمود ءَ مزن وزیر ءَ را وانگ ءُ زانگ ءِ دیمروئی ءِ ھوالگ ءَ جتا جتائیں منصوبگ ءُ گامگیج آنی ھوالگ ءَ سرپد کت۔
