اسلام آباد۔6فروری (اے پی پی): مزن وزیر عمران خان ءَ گوشت کہ بنجاھی حکومت خیبر پختونخوا ءَ سیل ءُ سواد ءِ دیمروئی ءُ جنگل ءُ دلوت آنی رکھینگ ءِ واستہ ھمک رنگیں کمک پجاری کنت انت۔ شمبئے ءَ مزن وزیر ءَ وزیر ءِ سیفران صاحب زادہ محبوب سلطان ، اسمبلی ءِ باسک میاں شفیق آرائی، ملک عمر اسلم، محمد عامر سلطان ، پرنس نواز الائی، حیدر علی خان، پنجاپ ءِ صوبائی وزیر سرڈار آصف نکئی، ایم پی اے زبیر احمد ءَ ادا گند ءُ نند کت، اے موہ ءِ سر ءَ مزن وزیر ءِ ھاسیں کمکار ملک عامر ڈوگر ھم ساڑی ات۔ اے موہ ءِ سر باسک آنی دست بندی ءِ پد ءَ مزن وزیر ءَ سوات موٹوے ءِ گیش شاھیگانی ءِ ھم دل یکیمی کنائینگ بوت۔ دیوان ءِ ساھت ءَ باسک آں وتی وتی دمگ آنی دیمروئی کار آںی سر ءَ ھیال ریچی کنگ بوت۔ مزن وزیر ءَ صاحب زادہ محبوب سلطان ءِ گوشگ ءِ رد ءَ جھنگ ءَ نوکیں ڈسٹرکٹ ھیڈ کوارٹر ہسپتال ءِ جوڑیشت ءُ شفیق آرائیں ءِ گوشگ ءِ رفد ءَ کودھراں بائی پاس ءِ جوڑیشت ءِ دل یکیمی کنائینت۔ شفیق آرائیں ءَ ملتان لودھھراں بائی پاس روڈ ءِ اپ گریڈیشن ءِ پد ءَ مزن وزیر ءِ شگر ءُ منت گپت۔ حیدر علی ءَ کے پی کے ءُ سوات ءَ سیل ءُسواد ءِ دیمروئی ءِ واستہ چست کتگیں گامگیج آنی بابت ءَ سرپد کت۔ پرنس نواز الہٰی ءَ بٹ گرام ءَ گرڈ سٹیشن ءُ روڈ ءِ جوڑیشت ءِ منظوری ءِ پد ءَ آئی ءِ شگر ءُ منت گپت۔ ایشی ءَ چہ سیل ءُ سواد ءُ روزگار ءِ موہ پجاری بیت۔ باسک آنی گوشگ ءِ رد ءَ مزن وزیر ءَ سروے آف پاکستنا ءَ را پنت ءُ شون کت کہ آ زوتیں رد ءَ بٹ گرام ءُ کوہستان ءِ ضلع آنی ھد ءُ ابیل آنی گیشینگ ءِ نوٹیفکیشن جاڑی بکنت۔
