نبشتہ – سجاد حیدر
رجانک ـ اورنگزیب اسلم بلوچ
خیبر پختونخوا دھ سال ءَ چہ گیش وھد ءُ پاس ءَ ناشرکاری ءِ آماچ بوتگ۔ ایش ھماساھت بوتگ انت کہ مردم آیوکیں باندات ءِ ھوالگ ءَ سک گمیگ ءُ ڈکھ آنی آماچ بوتگ انت۔ ٹارگٹ کلنگ، بمب تراک، وت کشیں ارش ءُ ناشرکاری ءِ ایندگر واکیہ آنی سبب ءَ دماگی رنگ ءَ سک باز رنج ءُ ندوھ آںی تہ ءَ اتنت، وھد ءِ مردم گس ءَ چہ ڈن در کپ انت مزدوری یا دگہ ضلورت ءِ رد ءَ گڈا دل لاپ ءَ نہ بوتگ کہ واتر گس ءَ بنت یا نہ بنت۔ ایش ھما وھد ات کہ ءَ سسا کت نہ کت کہ خیبر پختونخوا ءَ زندمان ھمروچگیں رنگ ءَ ایمنی ءِ نیمگ ءَ جنز ایت ءُ مردم آھوادا پدا دل یکیم ءُ شات بنت۔ ایش اللہ پاک ءِ مزنیں فضل ءُ کرم ات کہ پاکستان ءِسیکورٹی فورسز آں الس ءِ کمک ءَ چہ ناشرکاری ءِ ھلاپ ءَ جنگ کامیاتی ءَ گوں برورد سہرا کتگ انت۔ انوں ایشانی زندمان آنی روشنائی ءُ سیل ءُ سواد یک شل ءَ دیم پہ آسودگی ءَ جنزگ ءَ انت۔
سرجمیں پاکستنان ءُ ھاسیں رنگ ءَ خیبر پختونخوا ءَ را ھدا وندءَ ما شر رنگی ءُ داتگ کہ دگنیا ایشرا توسیپ کنت۔ یک دراج بُریں وھد ءُ پاسے ءَ چہ اے ضلورت بوتگ کہ سیل ءُ سوادی ھند آناں ملکی الس ءُ در ملکی مردم آنی واستہ سیل ءُ سواد ءِ ھاترا دیمروئی دیگ بہ بیت۔ اے رد ءَ اے ھند آناں لس مردم ءِ روگ ءُ تر ءُ گرد ءِ ھاترا بست ءُ بند ءُ آسراتی پجاری ءَ گیشاں چہ گیش گہتر کنگءِ بابت ءَ تران کنگ بوتگ ات۔ استیں حکومت ءِ کساس دو سال ءُ نیم ءِ وھد ءُ پاس ءِ ساھت ءَ خیبر پختوانخوا ءَ پی ڈی آئی ءِ صوبائی حکومت ءِ پنچ سالی دور ءُ باریگ ءَ انچو انچو ملک ءَ ایمنی ءِجاور ھال گہتر بوتگ انت سیل ءُ سوادی ھند آنی دیمروئی ءُ اے ھند آنی سیل ءُ سواد ءَ را گیشاں چہ گیش دلگوشی کنگ بوتگ۔ ھمے حکومت ءِ کوشست آنی نتیجگ ءَ سرجمیں ملک ءَ ھوار صوبہ خیبر پختونخوا ءِ سیل ءُ سوادی ھند آں سال ءِ جتا جتائیں ماہ آنہ تہ ءَ ملکی ءُ گیر ملکی سیل ءُ سواد ءَ یک شل ءَ گیشی بوھگ ءَ انت ءُ آ اے جاہ آنی نیمگ ءَ سیل ءُ سواد ھاسیں رنگ ءَ گرماگ ءِموسم ءَ گیش رونت ءُ کاینت سردی ءِ موسم ءَ سیل ءُ سوادی چست ءُ ایر ھم گند گ بنت۔
گوزوکیں سرتی ءِ موسم ءِ ساھت ءَ ھم خیبر پختونخوا ءِ جتا جتائیں سیل ءُ سوادی ھند آں ھوار کالام، گلیات، کاغان، ناران ءُ مالم جبہ ءَ سیل ءُ سواد ءِ آیگ ءِ کساس ءِ ھساب ءَ نوکیں کوھی کونڈگ آں شتگ انت ایشی ءِ سبب ءَ ناں ایوک ءَ لس مردم ءُ کاروباری مردمآنی دل یکیمی ءُ شاتکامی رستگ ، ایشی ءَ سرجمیں صوبگ ءُ ملک ءَ ھواریں اقتصادی ، معاشی ءُ چاگردی جاور ھال آنی سر ءَ بے دروریں رند پد نکش بوھگ ءَ انت۔
گوزوکیں سرتی ءِ موسم ءَ خیبر پختونخوا ءِ اے سیل ءُ سوادی ھند آنی سر ءَ بے کساس دلکشیں برپ باری بیت، ملکی ءُ گیر ملکی سیل ءُ سوادی مردم آنی واستہ اے ھند ءُ جاھ آناں دلگوشی ءُ بست ءُ بند کنگ بوتگ۔ اے گامگیج آنی رد ءَ ،”سنو فیسٹولز ” ءِ نام ءَ سرتی ءِ لیب ءُ گوازی ءِ مقابلہ ءَ را درستاں چہ گیش نامداری رستگ۔ اے ھاسیں سنو فیسٹولز ءِ بست ءُ بند خیبر پختونخوا ءُ گلگت بلتستان ءِ بازیں سیل ءُ سوادی ھند آنی شرپ ءُ ازت ءَ را گیش ودینگ ءِ سبب جوڑ بوتگ۔
مالم جبہ سنو فیسٹول یک ھپتگے ءَ چہ گیش وتی جوانیں بست ءُ بند ءَ چہ گڈ بوت۔ اے میلہ ءَ سرتی ءِ موسم ءَ جتا جتائیں لیب آںی مقابلی ھم بوتگ ایشانی تہ ءَ اسکیئنگ، سنو بورڈنگ، آئس ہاکی ءَ ابید ھوار انت وھدیکہ روایتی ءُ ھندی پکوان ءُ دستکاری آنی نماش ءُ ایندگر چست ءُ ایر میلہ ءِ بھر بوتگ انت، اے ساھت ءَ 22 تاں 24 جنوری انٹرنیشنل سنو بورڈنگ ٹورنامنٹ برجم دارگ بوت، ایونٹ ءَ یورپ، بیلجیئم، افغانستان ءُ پاکستان ءِ لیبی شریک بوت انت۔ محکمہ سیل ءُ سواد خیبر پختوانخوا ءِ بست ءُ بندیں خیبر پختونخوا کلچر اینڈ ٹورازم اتھارٹی ءُ سیمیسن گروپ آف کمپنی ءِ وت مہ وتی شریکداری ءَ چہ برجم بوھوکیں پاکستان انٹرنیشنل سنوبورڈنگ کپ ءِ گوما فوڈ اینڈ میوزک فیسٹیول ھم ایر کنگ بوتگ۔ ایشی ءَ چہ ناں ایوک ءَ لیبی بلکینگ ءَ شرنگیں کوھ آںی نیمگ ءَ روکیں ہزار انی ٹورسٹ سیت مند بنت۔ اے ساھت ءَ گلگت بلتستان ءَ چہ آیوکیں یوگا ٹرینر ماہ گل کبیر ءَ مالم جبہ ءِ ھند ءَ ھاسیں یوگا ٹریننگ سیشن ءِ ھم بست ءُ بند کت وھدیکہ محفل ھم اے ساھت ءَ برجم دارگ بوت۔
گڈی مراگش ءِ ساھت ءَ سینیٹر فیصل جاوید ھاسیں مہمان ات آئی ءِ ھمبراھی ءَ محکم سیل ءُ سواد خیبر پختونخوا ءُ سیمسن گروپ آف کمپنی ءِ کارندہ ھم ساڑی اتنت۔ پاکستان انٹرنیشنل سنو بورڈنگ کپ ءِ ساھت ءَ زالبول جائنٹ سلام مقابلہ ءَ پاکستان ءِ فاطمہ ندیم ءَ 3 منٹ 42 سیکنڈ ءِ وھد ءَ اولی پوزیشن در جت وھدیکہ سارا ندیم ءَ دوئیں رن آنی یکجائیں وھد ءِ رد ءَ 4 منٹ 07 سیکینڈ ءِ گوما دومی ءُ پاکستان ءِ عائشہ اکمل ءَ 4 منٹ 51 سیکنڈ ءِ وھد ءِ گوما سیمی پوزیشن در جت۔ ایونٹ ءَ 8 زالبول ایشانی تہ ءَ سئے زالبول آنی سیادی گوں اوگانستان ءَ چہ ات ، آواں بھر زرت۔
انٹرنیشنل سنو بورڈنگ مقابلوں آنی تہ ءَ زالبول آں ھوار یورپ، بلجیئم اوگانستان ءُ پاکستنا ءَ چہ 8 زالبول ءَ ھوار 44 لیبی آں بھر زرت آواں سنو فیسٹول ءُ سنو برڈنگ ایونٹ ءِ برجائی ءَ را جوانیں گامگیج ءِ نامینت۔ اے لیبی آں گوشت کہ مالم جبہ ءَ نندگ ءُ سنو فیسٹیول ءِ ساھت ءَ آواں باز گل ءُ شاتی بوتگ ایش اچ بر بے ھیال نہ بنت۔ آواں گوشت کہ آوانی واھشت بیت کہ آ دم پہ ساھت بیا انت۔ آواں کلوہ دات کہ پاکستان ءُ اے صوبگ خیبر پختواںخوا نوں یک ایمنیں دمگ ات ، ادا سرجمیں دگنیا ءَ چہ سیل ءُ سوادی مردم بیا انت۔ اے دمگ باز شر رنگ ءُ بے مٹیں دمگ ات۔
اے ھوالگ ءَ خیبر پختونخوا ٹورازم اتھارٹی ءِ سروک جنید خان ءَ گوشت کہ صوبگ ءِ نامداسریں سیل ءُ سوادی ھند ءُ کوھنیں ڈمب آنی نیمگ ءَ سیل ءُ سوادی مردم آناں دلگوش کنگ ءِ ھوالگ ءَ کار ترندی ءَ گوں گیش بوھگ ءَ انت، آءی ءَ گوشت کہ مالم جبہ پاکستان ءَ جگوانیں ریزررٹ ات۔ آئی ءَ گوشت کہ ادا اسکیئنگ لیب ءُ گوازی ءَ ھوار ، 15 سال ء۔ چہ کم اکبرے زھگ آنی واستہ الپائن اسکیئنگ ءُ اکیٹنگ ءِ مقابلہ، کرلنگ ءَ ابید بازیں گوازی برجم دارگ بوت۔ آواں گوشت کہ اے فیسٹول دگنیا ءَ را یک جوانیں کلوہ ءَ روان دنت پاکستان ءُ خیبرپختوا ءَ ایمنی برجا بوتگ ھمے رنگ ءَ مالاکنڈ ءُ ہزارہ ءَ ھوار خیبر پختونخوا ءِ ایندگر بھر آںی اندر ءَ سیل ءُ سوادی چست ءُ ایر گیش ودگ ءَ انت۔ آواں گوشت کہ شرنگیں ھند ءُ جاھ آنی دیمروئی ءِ واستہ جوانیں کوشست کنگ بوھگ ءَ انت۔
گلیات ڈویلپمنٹ اتھارٹی ءِ نیمگ ءَ برجم بوھوکیں سئے روچی سنو فیسٹیول ءَ چہ گلیات ءِ سیل ءُ سواد ءَ را گیش دیمروئی بوتگ، 20 ہزار ءَ چہ گیش سیل ءُ سواد ءِ نتھیاگلی ءُ ایوبیہ ءَ آیگ ءَ چہ ہوٹل انڈسٹری ءُ ایندگر ھندی کاروباری دمگ آناں روزگار ءِ نوکیں موہ رستگ، سر وزیر خیبرپختونخوا ءِ ھاسیں کمکار برائے اھوالکاری ءُ وانگ ءُ زانگ کامران بنگگش ءَ سنو فیسٹول ءِ بنگیجی مراگش ءَ چہ پد میڈیا ءَ گوں تران کت ءُ گوشت کہ صوبگ ءَ سیل ءُ سواد ءِ دیمروئی ءِ واستہ نوکیں سیل ءُ سواد ی ھند آناں دیمروئی دیگ بوھگ ءَ انت، آئی ءَ گوشت کہ دو ماہ ءِ ساھت ءَ 7 لکھ ءَ چہ گیش سیل ءُ سوادی مردم گلیات ءِ تر ءُ تاب کتگ سرتی فیسٹیول آنی تہ ءَ گیشی ءَ چہ سرجمیں دگنیا ءَ خیبر پختونخوا ءِ پازیٹیو امیج دیم ءَ سہرا بوتگ، سنو فیسٹیول ءِ برجائی ءَ چہ سیل ءُ سوادی پڑ دیمروئی کنت۔ ایشی ءَ چہ روزگار ءِ نوکیں موہ پیداک بنت۔
خیبر پختوانخوا کلچر اینڈ ٹورازم اتھارٹی، ضلعی انتظامیہ چترال لوئر ءُ ہندوکش سنو سپورٹس کلب ءِ وت مہ وتی یکائی ءَ چہ چترال ءِ شر رنگیں مداقلشت ءَ ھم ہندوکش سنو سپورٹس فیسٹیول 29 ءَ چہ 31 جنوری ءَ تاں برجم دارگ بوت ایشی ءِ توک ءَ سکینگ ، سنو بورڈنگ، آئس سکیٹنگ، آئس ہاکی، سنو ٹریکنگ، برف باری ءَ چہ اکس جوڑ کنگ ءَ ھوار باربی کیو نائٹ ءُ محفل بست ءُ بند کنگ بوت۔ فیسٹیول ءَ 10 گیر ملکی لیبی ءُ ٹرینرز ءَ ھوعار 500 ءَ چہ گیش سکینگ لیبی ءَ شرکت کت۔ فیسٹیول ءَ سیل ءُ سوادی مردم آنی مزنیں کساسے ءَ بھر زوری کت ءُ پاکستان ءِ جوانیں سیل ءُ سوادی ھند آناں ساڑات۔
سیل ءُ سواتی مردم آں گوشت کہ استیں سال ءَ سنوفیسٹولز آنی برجائی ءَ چہ زیمستان ءِ سیل ءُ سوادی تر ءُ گرد ءَ را دیمروئی رسگ ءَ انت ءُ ہزارانی کسا س ءَ ڈن ملک ءُ ملکی ءِ اندر ءَ چہ سیل ءُ سوادی مردم اے فیسٹیول آنی بھر جوڑ بوھگ ءَ انت ایشی ءَ چہ سرتی ءِ برف باری آں ابید ھندی مردم ءُ تاجر آناں کاروبار ءِ موہ پجاری بوھگ ءَ انت ءُ پاکستان ءِ بے دروریں شررنگی جاھ سرجمیں دگنیا ءَ توسیپ ءُ ساڑا کنان ءَ سیل ءُ سواد ءِ دیمروئی ءِ گوما معیشت ءَ راھم دیمروئی رسیت۔
