راولپنڈی۔5فروری (اے پی پی): بنجاھی وزیر توکی کار شیخ رشید احمد ءَ گوشت کہ نالائکیں اپوزیشن ، کم اگلیں لیڈر، ھمزور دماگیں سیاستدان ءُ لیڈر شپ ءَ چہ سرریچیں پی ڈی ایم ءِ وت گڈیں سسا انت کہ عمران خان ءِ حکومت ءَ را دور دیاں بلے سرپد بہ بئے کہ عمران خان ءِ حکومت وتی کانودی وھد ءُ پاس ءَ را سرجم کنت بلکینگ ءَ آیوکیں پنچ سال ءَ ھم عمران خنا ءِ حکومت بیت، “یوٹرن ءِ کلاگ ءَ گروک وتی “ابائوٹ ٹرن” ءِ عادی جوڑ بوتگ انت۔ 24 مارچ ءَ پی ڈی ایم ءِ لانگ مارچ ءَ اچ رنگیں پینگ جنگ نہ بیت۔ تحریک لبیک ھم 17 فروری ءَ شاہوکاری ءِ درشان ءَ بکنت آوانی مشن منی مشن انت من پاکیں نبی ءِ شرپ ءُ ازت ءِ سپاہیگ آں آصف زرداری پی ڈی ایم ءِ گرو انت آئی ءَ پی ڈی ایم ءِ واستہ وتی زمانت ھم پکو کتگ ، نوں وتی کیس ءَ را کراچی ءَ ٹرانسفر کنگ ءِ چکر ءَ انت، لال حویلی ءُ لاک چوک ءِ وت مہ وتی رشتہ ءَ را ناں ایوک ءَ مودی گہتر زانت بلکینگ ءَ سرجمیں ہندوستان ایشی ءِ ھوالگ ءَ شر سرپد ءُ بلد انت ما کشمیر ءِ آجوئی ءَ را سلام پیش کناں۔ اے تران آدینگ ءِ روچ ءَ کشمیر ءَ گوں یکوئی درشان کنگ ءِ رد ءَ برجم داشتگیں مچی ءَ گوں گشتانک ءِ ساھت ءَ کت انت۔
