اسلام آباد۔5فروری (اے پی پی): مزن وزیر عمران خان ءَ گوشت کہ پاکستان یونائیٹڈ نیشن ءِ چارٹر ءُ سلامتی کونسل ءِ منوگری آںی رد ءَ وت واجئی ھک ءِ در جنگ ءَ تاں کشمیری آنی گوما کمک ءَ را جاڑی دار ایت، میاں اوستمانی برات آناں مقبوضہ جموں کشمیر ءَ بنی آدمی ھک آنی لگت مالی ءِ ھوالگ ءَ بھارت ءِ ھلاپ ءَ کاروائی ءُ ایشی ءِ پسو ءَ دیگ لوٹ ایت۔ بھارت میاں اوستمانی بنی آدمی ھک آنی پھریزوک ءُ بنی آدم آنی گوما یکوئی ءِ بنیات ءَ کار کنوکیں گل آںی گوما میاں اوستمانی میڈیا ءَ را راستی آنی شوہاز کنگ ءِ واستہ مقبوضہ کشمیر ءَ روگ ءُ پٹ ءُ پول ءِ موہ دیگ بہ بیت۔ کشمیر ءَ گوں یکوئی ءِ درگت ءَ وتی کلوہ ءَ آئی ءَ گوشت کہ کشمیری برات ءُ گوہار آنی گوما پاکستان ءِ سرجمیں کمک ءُ یکوئی ءِ درشان کتگ۔ آئی ءَ گوشت کہ 5 اگست 2019 ءَ چپ ءُ چاگرد ءُ بندش آںی آماچ انت۔ آئی ءَ گوشت کہ گوستگیں ھپتاد سال ءَ چہ کشمیری الس لگت مالی ءُ کودکی ءِ آماچ انت۔ آئی ءَ کلوہ ءَ گوشت کہ میاں اوستمانی دگنیا یونائیٹڈ نیشن ءِ منوگری آنی رد ءَ کشمیر ءِ جیڈھ ءِ گیواری ءِ واستہ ھک ءُ دل بہ بنت۔
