اسلام آباد۔5فروری (اے پی پی): بنجاھی وزیر کانود ءُ انصاف بیرسٹر ڈاکٹر محمد فروغ نسیم ءَ گوشت کہ مرچی، ما کشمیری آں گوں یکوئی برجم داراں تانکہ وتی کشمیری برات ءُ گہار آنی کمک ءِ درشان ءَ بکن انت، ایش بھارتی کانودی مقبوضہ جموں کشمیر ءَ ریاستی ناشرکاری ءِ ھلاپ ءَ وتی جہد ءَ را جاڑی داشتگ۔ دگنیا ءِ دیم ءَ مودی ءِ فاشسٹ بھارت ءِ راستگیں لکا ءَ را سہرا کنگ ءَ مرچی دگہ یک موہ ءِ است انت۔ اگست 2019 ءَ چہ انوگ ءَ تاں 80 لکھ ءَ چہ گیش کشمیری آناں آوانی گس آنی اندر ءَ کیز کتگ ءُ بھارت ءَ ناشرکاری رنگ ءَ بنی آدم آناں لگ مال کتگ۔ میاں اوستمانی برات ءُ میاں اوستمانی بنی آدمی ھک آنی ڈل بھارت ءِ گیر کانودی آوار جنگ ءُ لگت مالی ءِ بابت ءَ گوں جوانیں ءَ شر سرپد آں آھودا لس شہری آنی کیز ءُ کوش کنگ یک سزا ءُ جرم ءِ نہ ات۔ آئی ءَ گوشت کہ مرچی ما میاں اوستمانی برات آں گوں لوٹ کناں کہ آ بنی آدمی ھک آنی گوانک ءِ چست کنوکیں نماھندگ آناں، گری کانودی رنگ ءَ ریاست ءِ کشمیر ءَ روان بدینت، تانکہ بھارتی اُرد ناشرکاری ءِ سبب ءَ ھمک روچ لس مردم زالبول آناں ڈگار ءَ جنگ ءُ بیم آنی آماچ ءَ کنگ ءَ انت۔ آئی ءَ گوشت کہ ما لوٹ کناں کہ بھارت ءِ چیر دستیں کشمیر ءَ میڈیا ءِ بلیک آوٹ ءَ را ھلاس کنگ بہ بیت۔ ما یونائیٹڈ نیشن ءِ چارٹر ءُ یونائیٹڈ نیشن ءِ سلامتی کونسل ءِ منوگری ءِ رد ءَ کشمیری آنی وت واجئی ھک ءِ واستہ وتی کمک آناں منظور کناں۔ آئیءَ گوشت کہ بنیاتی رد ءَ کشمیر ءِ جیڈھ ءَ را یونائیٹڈ نیشن ءِ منوگری آنی رد ءَ کشمیری الس آنی واھشت آنی رد ءَ گیوار بہ بیت۔
