اسلام آباد۔5فروری (اے پی پی):صدر مملکت ڈاکٹر عارف علوی ءَ گوشت کہ بھارت ءِ نیمگ ءَ گیر کانودی رد ءَ مقبوضہ کشمیر ءَ بزگیں کشمیر آنی وت واجئی ھک ءَ چہ بُکگ جنگ بنی آدمی شرپ ءِ ڈگار جنگ انت، سلامتی کونسل ءِ منوگری ءُ کشمیری الس آنی واھشت آنی رد ءَ جموں کشمیر ءِ جیڈھ ءِ گیواری زرباری ایشیا ءَ مھکمیں ایمنی ءِ چابی ءُ کلیت انت۔ پاکستان وتی کشمیری برات ءُ گہار آنی کمک ءُ یکوئ ءِ جزم ءَ درشان ءَ کنت۔ ما کشمیر آنی آجوئی ءِ در جنگ ءَ تاں جاڑی داراں۔ کشمیر ءَ گوں یکوئی 2021 ءَ وتی کلوہ ءَ صدر مملکت ءَ را گوشت کہ پاکستانی الس مرچیگیں روچ ءَ وتی کشمیری برات آناں وت واجئی ھک ءِ در جنگ ءِ یک شل ءَ جہد ءُ کوشست ءَ جوانیں کرد پیش کنت انت۔ بھارت ءَ 5 اگست 2019 ءَ مقبوضہ کشمیر ءِ میاں اوستمانی تک ءَ منتگیں جیڈھ ءَ را مٹ کنگ ءُ اے دمگ ءَ نوک سر درئی مردم آنی آبات کنگ ، کوھنیں راستی ءَ را لگت مال کنگ ءِ گامگیج ءُ پندل کتگ۔ کشمیر ءِ جیڈھ یونائیٹڈ نیشن ءِ چارٹر ءُ ٹوھیں منوگری آنی تہ ءَ یک ات۔ آئی ءَ گوشت کہ گیر کانودی رنگ ءَ مقبوضہ کشمیرر ءَ کودکیں کشمیری آنی وتی واجئی ھک ءَ را ڈلگچار کنگ بنی آدمی شرپ آنی ڈگار جنگ انت۔
