اسلام آباد۔5فروری (اے پی پی): وزیر ءِ درئی کا ر شاہ محمود قریشی ءَ گوشت کہ پاکستان ءِ توامیں سسا ساچ، سیاسی گل ءُ ادارگ کشمیر ءِ جیڈھ ءِ سر ءَ یکیں سسا ساچ ءِ دار انت، اے منزل ءِ در جنگ ءَ تاں ما کشمیری آنی گوما ھمکوپگ اوشتاتگ آں۔ آ آدینگ ءِ روچ ءَ کشمیر ءَ گوں یکوئی ءِ روچ ءِ درگت ءَ بست ءُ بند کتگیں ریلی ءَ گشتانک کنان ءَ کت۔ ریلی ءِ بنگیج وزیر ءِ درئی کار مخدوم شاہ محمود قریشی ءِ سروکی ءَ وزارت ءِ درئی کار ءَ بوت۔ وزارت ءِ درئی کار ءَ چہ پارلیمنٹ گس ءَ تاں روکیں اے ریلی ءَ گورنر خیبر پختونخوا شاہ فرمان ، چیرمین سینٹ صادق سنجرانی ،سپیکر قومی اسمبلی اسد قیصر، بنجاھی وزیر برائے اھوالکاری شبلی فراز ، بنجاھی وزیر ریلوے اعظم سواتی، ممبر پارلیمنٹ ءَ ابید جتا جتائیں سسا ساچ آں گوں سیادی داروکیں زالبول ءُ مردین آدم آنی مزنیں کساس ءِ ھوار ات۔
