اپوزیشن اٹی گارڈ فادر آن باندات داسہ اوفتا حواری تسکان رسینگانے، کس اس ڈرگ مافیا و کس کوزہ گروپ ءِ، بنجائی وزیر ڈٹ بندی و شونداری اسد عمر

اسلام آباد۔ 04 فروری (اے پی پی) بنجائی وزیر ڈٹ بندی و شونداری اسد عمر پارینے کہ اپوزیشن اٹی گارڈ فادر آن باندات داسہ اوفتا حواری تسکان رسینگانے، کس اس ڈرگ مافیا و کس کوزہ گروپ ءِ، کس فارن فنڈنگ والا ءِ ہرا لس گچین کاری تیٹی تینا خڑچ کروک آ مون انگا دھن نا پیسہ غاتے سینیٹ گچین کاری تیٹی وونٹ ءِ سودا کرسا پورو کننگ خواہک۔ اوفتے 26 می آئینی ترمیم آن تینا دیہاڑی بند مننگ نا گڑتی نظر بننگ ءِ، اپوزیشن نا انتس کہ مرض ءِ کے پوسکن آ پاکستان ہر حال اٹ جوڑ مریک۔ پنچ شنبے نادے آ قومی اسمبلی ٹی 26 می آئینی ترمیم آ ہیت کرسا بنجائی وزیر اسد عمر پارے کہ ایم پی اے و ایم این اےتا منڈیک لگار، ہراڑے تینا ضمیر ءِ پیسہ کن سودا کننگے داوڑنا راج انا قدر مننگ کپک۔ مسلم لیگ (ن) و پی پی مستین اٹ داڑے سلسا اسہ ایلو آ دوبہ خلسا کریر،چھانگا مانگا و سینیٹر گلزاران نا کڑد ءِ۔