اسلام آباد۔4فروری (اے پی پی): وزیر ءِ درئی کار مخدوم شاہ محمود قریشی ءَ گوشت کہ بھارتی ظلم آنی ھلاپ ءَ گوانک ءَ برز کن آں۔ مقبوضہ جموں کشمیر ءَ جاڑیگیں بنی آدمی ھک آنی ترندیں ھلاپ یکجائیں میاں اوستمانی الس ءِ واستہ پگر ی گپ ات، بھارت ءِ نیمگ ءَ کشمیری آنی وت واجئی ھک ءَ چہ بُکگ میاں اوستمانی برات آنی بے شرپی انت۔ کشمیری الس بنیاتی ھک آنی لگت مالی ءِ ھلاسی ءَ تاں کشمیری آنی گوما یکوئی سرجم بوھگ نہ کنت۔ میاں اوستمانی بھارت ءَ را مقبوضہ جموں کشمیر ءَ کتگیں زوراکی ءُ لگت مالی ءِ زمہ وار بہ لیک ات، اُردی دزگیری ءَ را انوں ھلاس بکنت ءُ بنی آدمی ھک آنی ترندیں ھلاپ کنگ ءِ رچ ءَ بند بکنت۔ پنچ شمبے ءِ روچ ءَ ایوان ءِ صدر ءَ کشمیر ءَ گوں یکوئی درشان ءِ ھوالگ ءَ برجم داشتگیں گشتانک ءَ تران کنان ءَ وزیر ءِ درئیکار ءَ گوشت کہ کشمیر آنی گوما یکوئی اے وھد ءَ تاں سرجم بوت نہ کنت تاں وھد ءِ تاں ایشرا دل یکیمی کنگ مہ بیت۔ آئیءَ گوشت کہ یونائیٹڈ نیشن ءِ سلامتی کونسل ءِ منوگری آنی رد ءَ کشمیر ءَ را آوانی جائزیں ھک دیگ بہ بیت۔ وزیر ءِ درئی کار ءَ گوشت کہ کشمیر ءَ گوں یکوئی کمک ءَ جاڑی دار آں ءُ ایشانی سر ءَ زوراکی ءُ لگت مالی ءِ ھلاپ ءَ گوانک ءَ را سہرا کناں۔
