اسلام آباد۔4فروری (اے پی پی): مزن وزیر عمران خان ءَ گوشت کہ نظام حکومت ءَ گہتری کار آںی بنیاتی مول ءُ مراد الس ءِ واستہ آسانی پیداک کنگ ءُ انصاف ءِ پجاری دل یکیمی جوڑ کنگ انت، شہری آنی جیڈھ آنی گیواری ءِ ھوالگ ءَ اپسرگ ءُ سیادی داروک آنی جزا ءُ سزا ءِ نظام جنگ بہ بیت، کبزہ ماپیا ءِ ھلاپ ءَ ایکشن ءِ ھوالگ ءَ میڈیا ءِ وسیلگ ءَ الس آناں یک شل ءَ سرپد کنگ بہ بیت، سیم سر آنی در جنگ ءِ واستہ ٹائم لائنز آنی پد ءَ کار دل یکیمی کنگ بہ بیت ءُ اے ھوالگ ءَ ایشاناں یک شل ءَ سرپد کنگ بہ بیت۔ آئی ءَ اے ھیالانی درشانی پنچ شمبے ءِ روچ ءَ ادا نظام حکومت ءِ ھوالگ ءَ اول سرئی شوبگ ءُ ڈن ملک ءَ پاکستانی مردم آنی قوت ءِ تہ ءَ گیشی ءِ ھوالگ ءَ چست کتگیں گامگیج آنی ھوالگ ءَ چار ءُ تپاسی دیوان ء، سروکی ءَ کنان ءَ کت، دیوان ءَ نظام حکومت ءَ گہتری آرگ ، استیں کانود آنی تہ ءَ مٹ ءُ بدلی ءُ برجائی، لس شہری آناں انصاف ءِ پجاری ءُ پولیس ءِ نظام ءَ گہتری آرگ ءِ گوما گیر ملک آنی اندر ءَ پاکستانی مردم آنی قوت ءَ گیشی ءِ ھوالگ ءَ کتگیں گامگیج آنی سر ءَ سرجمین بریفنگ دیگ بوت۔ چیف سیکرٹری پنجاپ، چیف سیکرٹری خیبر پختوںخوا ءُ چیف کمشنر اسلام آباد ءَ مزن وزیر ءَ را گورننس ءَ گہتری ءِ ھوالگ ءَ کتگیں گامگیج آنی سر ء۔ سرجمیں بریفنگ دات۔
