اسلام آباد۔4فروری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ آدینگ ءِ روچ ءَ پاکستان ءُ سرجمیں دگنیا ءَ نندوکیں پاکستانی ءُ کشمیری برات آنی گوما کشمیر ءَ گوں یکوئی درشان کنگ ءِ ھاترا برجمینگ بیت، کشمیر آں گوں یکوئی ءِ وساتہ صدر مملکت ءُ مزن وزیر آزات جموں کشمیر ءِ تر ءُ تاب ءَ کنت، صدر مملکت عارف علوی آزات کمشیر کانود جوڑ کنوکیں اسمبلی ءَ گوں وھدیکہ مزن وزیر عمران خان کوٹلی ءَ السی مچی ءَ گوں گشتانک دنت۔ آ آدینگ ءِ روچ ءَ پی آئی ڈی ءَ بنجاھی وزیر علی امین گنڈاس پور، چیئرمین کشمیر کمیٹی شہر یار آفریدی ءُ کشمیر سروک آنی ھمبراھی ءَ پریس کانفرنس ءَ گوں گشتانک کنگ ءَ ات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ آدینگ ءِروچ ءَ سرجمیں ملک ءُ دگنیا ءَ کشمیر ءَ گوں یکوئی درشان کنگ ءِ رد ءَ برجم دارگ بیت۔ آئی ءَ گوشت کہ 5 اگس 2019 ءَ بھارت ءَ گوں دست مانجنی ءُ لچڈی ءَ مقبوضہ کشمیر ءِ بستار ءَ را مٹ کت، کشمیر ءَ گوں یکوئی درشان کنگ ءَ چہ کشمیر ءَ را یک نوکیں جوزگ ءِ رس ایت ءُ تحریک آجوئی ءَ را یک نوکیں جوزگ ءِ رس ایت ءُ تحریک آجوئی کمشیر ءَ نوکیں جان رس ایت۔ آئی ءَ گوشت کہ مزن وزیر عمران خان سرجمیں دگنیا ءِ دیم ءَ کشمیر ءِ جیڈھ ءَ را سہرا کنگ ءَ انت ءُ پاکستان ءَ میاں اوستمانی برات آں گوں ھمے لوٹ انت کہ مودی، بھارت ءِ زوراکی، ظلم ءُ لگت مالی ءِ نوٹس زورگ بہ بیت۔ آئی ءَ گوشت کہ کودکیں کشمیری گوستگیں دو سال ءُ نیم ءَ چہ بے کساسیں لگت مالی ءُ لاک ڈئوان آنی گوما دیم پہ دیم انت۔ آئی ءَ گوشت کہ گوستگیں ھپتاد سال ءَ چہ ظلم ءُ زوراکیں حکومت بھارت ءِ اندر ءَ نہ بوتگ، چوش کہ حکومت آر ایس ایس لیکہ ءَ زوران ءَ دیم ءَ جنزگ ءَ انت۔
