اسلام آباد۔4فروری (اے پی پی): مزن وزیر عمران خان ءَ گوشت کہ حکومت ءِ توامیں دلگوشی لس مردم آناں ریلیف ءِ پجاری ءِ سر ءَ انت ۔ بنیاتی ھمروچگیں وردن ءُ وراکی سامان گریبیں مردم درستاں چہ گیش آرت ءِ نیاد آں چہ آماچ بوھگ ءَ انت پمے ھاترا اے ھوالگ ءَ کتگیں گامگیج آنی سر ءَ دیوان ءَ گوشت انت۔ دیوان ءَ وزیر ءِ ھزانگ، وزیر برائے اقتصادی کار، گورنر سٹیٹ بنک ءُ کلانہ ایں اپسرگ شریک بوت انت۔ دیوان ءَ بنیاتی ھمروچگیں وردن ءُ وراکی سامان آنی تہ ءَ کمی آرگ ءِ ھوالگ ءَ کتگیں گامگیج آنی سر ءَ چار ءُ تپاسی گرگ بوت۔ دیوان ءَ گوشگ بوت کہ کاروباری برات آنی نیمگ ءَ معیشت ءِ ھوالگ ءَ حکومتی پالیشی آناں وش اتک کنگ بوھگ ءَ انت۔ اے پالیشی آنی بدولت ءَ کاروباری برات آنی دلبڈی بوتگ ءُ ایشاناں کورونا ءَ ابید ھم کاروبار کنگ ءِ واستہ جوانیں ایٹماسپئر پجاری کنگ بیت۔ مزن وزیر ءَ پنت ءُ شون کت کہ چار ءُ بچاریں شور ءُ مشور آناں زوتیں رد ءَ پکوئی رنگ دیگ بہ بیت تانکہ ایشاناں سرجم کنگ دل یکیمی کنگ بہ بیت۔
