اسلام آباد۔4فروری (اے پی پی):سپیکر راجی اسمبلی اسد قیصر ءَ پنچ شمبے ءَ پارلیمنٹ گس ءَ کشمیر ءَ گوں یکوئی ءِ رد ءَ کشمیر یوتھ فورم ءِ چیر دستی ءَ برجم داشتگیں اکسی نماش آنی تر ءُ تاب کت۔ اے موہ ءِ سر ءَ کشمیر کمیٹی ءِ چیئرمین شہر یار آفریدی، شاندانہ گلزار ءَ ھوار ایندگر پارلیمنٹ ءِ باسک ھم ساڑی اتنت۔ نماش ءَ کشمیر ءِ جیڈھ آنی ھوالگ ءَ انوگ ءَ تگاں دگنیا ءِ جتا جتائیں فورمز آنی سر ءَ بوھوکیں جہد ءُ کوشست آں ھوار کشمیری مات، گوہار ، زھگ ءُ ورنا ءُ پیرین آنی قربانی آناں سہرا کنگ بوتگ۔ اے موہ ءِ سر ءَ سپیکر راجی اسمبلی ءَ اکسی نماش ءِ چار ءُ تپاس گپت ءُ کشمیر یوتھ فورم ءِ اے کوشست آناں ساڑات ءُ گوشت کہ کشمیری جہد ءُ کوشست آںی اکس باز گم جتن انت۔
