اسلام آباد۔3فروری (اے پی پی): بنجاھی دارالحکومت ءَ ھوار چارں صوبگ آنی اندر ءَ کوویڈ -19 ءِھلاپ ءَ ویکیسنیشن گامگیج ءِ بنگیج کنگ بوتگ۔ درستاں چہ پیسر ہیلتھ ورکرز آناں ءُ دومی بھر ءَ اے مردم آناں ویکیسن دیگ بیت ھما وانی گیش آماچ بوھگ ءِ ترس انت۔ نیشنل کمانڈ اینڈ آپریشن سنٹر (این سی او سی) اسلام آباد ءَ یک مراگشے ءَ ہیلتھ ورکز آناں سیکیسن دیگ بوت۔ اے موہ ءِ سر ءَ زور پر دیان ءَ منصوبگ بندی ءُ دیمروئی کار اسد عمر ءَ گشتانک دیان ء۔ گوشت کہ جان سلامتی باسک کورونا ءِ ھلاپ ءَ جہد ءُ کوشست ءَ مئے راجی گواچنی بامرد انت ءُ ھمے ھاترا اولی بھر ءَ ہیلتھ ورکرز آناں کورونا وائرس ءَ چہ رکھینگی ویکیسن دیگ بوت۔ آئی ءَ پاکستان ءَ را ویکسین ءِ پجاری کنگ ءِ پد ءَ چین ءِ توسیپ کت ءُ گوشت کہ چین مئے راستیں دوست انت ، آئی ءَ ھمک رنگیں چکاس ءِ ساھت ءَ مئے گوما ھمکوپگ بوتگ۔ ھاسیں کمکار برائے نیشنل ہیلتھ سروسز ڈاکٹر فیصل سلطان ءَ گوشت کہ مردم آناں کوویڈ -19 ءَ چہ رکھینگی ویکیسن ءِ پجاری ءَ را دل یکیمی جوڑ کنگ ءِ واستہ جوانیں کیکینزم تیار کنگ بوتگ۔
