اسلام آباد۔3فروری (اے پی پی): بنجاھی وزیر وانگ ءُ زانگ، راجی راجدپتری ءُ ادبی مڈی ڈویژن شفقت محمود ءَ گوشت کہ کشمیر پاکستان ءِ مات رگ انت، ءُ اچ پاکستان کشمیر ءَ را پاکستان ءَ چہ جتا بوت نہ کنت، مئے حکومت ءَ کشمیر ءِ جیڈھ ءَ را جوانیں رنگ ءَ سہرا کتگ ءُ ھاسیں رنگ ءَ مزن وزیر عمرانخان ءَ میاں اوستمانی فورمز آنی سر ءَ کشمیر ءِ جیڈھ ءِ جوانی ءَ گوں سفارت کاری کتگ۔ اے ھیالانی درشانی آئی ءَ عبدالحق سہروردی ءِ کتاب ٹریجیڈی ان کشمیر”Tragedy in Kashmir” ءِ دیمدرائی ءِ موہ ءَ کت۔ آئی ءَ گوشت کہ کشمیر ءَ جاڑیگیں بھارتی فورسز آنی ظلم آناں سرجمیں دگنیا چارگ ءَ انت۔ کشمیر ءَ 370 ءُ 35-A جنگ بوت گڈا سرجمیں بھارت سرجمیں دگنیا ءِ دیم ءَ سہرا بوت 1947 ءَ کشمیر ءَ پندل آنی رد ءَ بھارت ءِ بھر جوڑ کنگ بوت۔ ایش اچ کس ءِ دیم ءَ چیر نہ انت۔ سہروردی ءِ کتاب یک جوانیں کتاب ات ایش پکوئیں رنگ ءَ کشمیر ءِ آجوئی ءَ را پھمگ ءَ جوانیں کرد ءِ پیلو کنت انت۔ ڈائریکٹر جنرل پی این سی اے ڈاکٹر فوزیہ سعید ءَ وتی کتاب ءِ ارزشت ءِ سر ءَ تران کنان ءَ گوشت کہ ڈاکٹر زرقا ءَ وتی پت ءِ کوشست آناں یک رند ءِ پدا مردم آنی دیم ءَ سہرا کنگ ءِ پیسلہ جوانیں وھد ءُ موہ ءَ کتگ۔
