اسلام آباد۔3فروری (اے پی پی): بنجاھی وزیر منشیات ءِ گر ءُ دار کنوک بریگیڈئیر (ر) اعجاز احمد شاہ ءَ گوں سعودی ڈپٹی لائزن اپسرگ (ڈی ایل او) فیصل البوگامی ءَ گند ءُ نند کت۔ وزارت ءِ منشیات ءِ گر ءُ دار کنوک آنی نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ وت مہ وتی واھگی کار آنی سر ءَ ھیال ریچی کنگ بوت۔ اے موہ ءِ سر ءَ تران کنان ءَ بنجاھی وزیر اعجاز احمد شاہ ءَ گوشت کہ منشیات بھا کنوک ءُ سمگلنگ کنوک آنی ھلاپ ءَ ترندیں کاروائی بہ بیت۔ آئی ءَ گوشت کہ منشیات پجاری کنوک اسلیں مجرم انت، منشیات ءِ آماچیں مردم آنی برجائی ءِ واستہ جوانیں گامگیج چست کنگ بوھگ ءَ انت۔ آئی ءَ گوشت کہ منشیات بھا کنوک آنی ھلاپ ءَ پٹ ءُ پولی کار ءُ کاروائی ءَ اے این ایف فورس سعودی کارندہ آنی گوما یکجائی ءَ کار کنت انت۔ بنجاھی وزیر ءَ گوشت کہ مارا یکجائی ءَ منشیات ءِ ھلاسی ءِ واستہ کار کنگ لوٹ ایت۔ گند ءُ نند ءِ ساھت ءَ دوئیں ملک آنی نیام ءَ وت مہ وتی منگ نامہ آئی آنی ھوالگ ءَ سرجمیں ھیال ریچی کنگ بوت۔ اے موہ ءِ سر ءَ آیوکیں باندات ءَ گیش گہتریں کار آنی چیر دستی ءَ یکجائی کار کنگ ءِ جزم درشان کنگ بوت۔
