اسلام آباد۔3فروری (اے پی پی):پاکستان ءِ نیمگ ءَ کشمیر آنی آجوئی ءِ کمک ءِ درشان ءُ کشمیر ءَ بھارتی ظلم ءُ زوراکی آناں دگنیا ءِ دیم ءَ سہرا کنگ ءِ واستہ راج (باندات) آدینگ ءِ روچ ءَ کشمیر ءَ گوں یکوئی ءِ روچ ءِ رد ءَ برجم دار ایت۔ اے روچءَ سرکاری لس چھٹی بیت۔ مزن وزیر پاکستان عمران خان آزات کشمیر ءِ ضلع کوٹلی ءَ کشمیری آں گوں یکوئی ءِ رد ءَ لس مچی ءَ گوں گشتانک دنت۔ صدر ءِ مملکت عارف علوی بنجاھی دارالحکومت اسلام آباد ءَ یکوئی وک ءِ سروکی ءَ کنت۔ آزات کشمیر ءِ دارالحکومت مظفر آبات ءَ واک ءِ سروکی ءَ مزن وزیر آزات کشمیرر راجہ فاروق حیدر خان یا صدر آزات کشمیر سردار مسعودد خان کنت انت۔ گلگت ءَ گورنر یا سر وزیر جتا جتائیں شوبگ آں گوں سیادی داروکیں مردم واک آنی سروکی ءَ کن انت۔ ھمے رنگ ءَ صوبائی دارلحکومت لاہور، کراچی، پشاور ءُ کوئٹہ ءَ ھم گونر یا سر وزیر یکوئی واک کنوک آںی سروکی ءَ کنت انت۔ اے روچ ءَ دھ کلاک ءَ سرجمیں ملک ءَ یک ملنٹ ءِ ھاموشی دارگ بیت۔ ٹریفک یک ملنٹ ءِ واستہ دارگ بیت وھدیکہ سائرن جنگ بیت۔ مزن وزیر ءَ آزات جموں کشمیر اسمبلی ءِ تر ءُ تاب ء، ساھت ءَ یک ملنٹ ءِ ھاموشی توامیں شہر آنی تہ ءَ کنگ بنت۔ اسلام آباد ءُ صوبائی دارالحکومت آنی تومیں ایئرپورٹ، ہائی وے ءُ ریلوے سٹیشنز آنی سر ءَ بل فورڈ ءُ پوسٹرز جنگ بنت۔ کوہالہ پل ءِ سر ءَ پاکستان ءُ آزات کمشیر ءَ گوں سیادی داروکیں گچین بوتگیں نماھندگ وت مہ وت دست مہ دست بنت ءُ یک زمزیل ءِ جوڑ کن انت۔ یات داگ بہ بیت کہ سرکاری تک ءَ اے روچ ءِ بنگیج 1990 ءَ کنگ بوتگ ایشی ءَ چہ پد ھمک سال سرجمیں پاکستانی راج کشمیری آنی آجوئی ءِ جہد ءُ کوشست ءِ کمک ءُ آوانی گوما یکوئی ءِ واستہ اے روچ ءَ برجم دار ایت۔
