اسلام آباد۔ 03 فروری (اے پی پی) پارلیمانی کشمیر کمیٹی نا چیئرمین شہریار آفریدی پارینے کہ پاکستان آ مچ آ قوم انا سوچ، فکر و پارلیمان اسٹ ءِ، جہانی فورم آ ننے ہرجاگہ غا کشمیر نا مقدمہ تون مون تروئی ءِ۔ چارشنبے نادے آ کشمیر آ سیمینار آن تران کرسا اوپارے کہ 5 فروری مچ آپاکستانی قوم دادے ءِ بھاز عقیدت اٹ اڈایترہ۔ پاکستان نا فکر، پاکستان نا سوچ، پاکستان نا پارلیمان اسٹ ءُ، داسہ بس ہندوستان ءِ ایکسپوز کننگ نا ءِ۔ شہریار آفریدی پارے کہ جہانی کہول آ ہرفورم آ کشمیرنا مقدمہ تون مون تروئی ءِ، پاکستان نا ورناچین و ہرانسان نا زمواری ءِ کشمیر نا ویل آ اسٹ مرسا، قوم انا دروشم اٹ کشمیر نا مقدمہ تون مون ایترہ تو ہندوستان نا اصل دروشم دنیا نا مون آ بریک۔ شہریار آفریدی پارے کہ پاکستانی قوم ملک کشمیری تے اوفتا حق ءِ ترفرہ۔ کشمیر نا بروک آ آخبت روشناءِ۔شہریار آفریدی پارے کہ جہانی دنیا ءِ اسہ میسج اسے کشمیر فلیش پوائنٹ ءِ، دنیا نا امن کشمیر نا امن تون گنڈوک ءِ، 5 اگست آن ہلیس ہندوستان کشمیراٹی انتس کہ کننگ ءِ اوبربریت ءِ۔
