اسلام آباد۔ 03 فروری (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری پارلیمانی سیکرٹری پیٹرولیم حاجی خیال زمان اورکزئی نا اُرائی نا کزیت آ است ہسونی نا درشانی ءِ کرینو۔ قومی اسمبلی سیکرٹریٹ آن جاری بیان نا رداٹ اسپیکر و ڈپٹی اسپیکر قومی اسمبلی نا باسک حاجی خیال زمان اورکزئی نا پن تینا جتا جتا ہڑزخواہی کلہو اٹی اونا اُرائی نا کزیت آ است ہسونی نا درشانی ءِ کرسا اوڑتون ہڑزخواہی کرینو۔ اوفک پاریر کہ غم و ڈکھیائی نا دا مشکل ساہت اٹ پدسلوک آتا غم اٹی بریبرنا شریک اُن۔ اوفک اللہ تعالیٰ آن ایماندار نا درجہ غاتا بڑزی و پدسلوک آ خاہوت ءِ داناقابل تلافی نسخان ءِ سگنگ کن صبر وجمیل نا دعا کریر۔
