اسلام آباد۔ 03 فروری (اے پی پی) محکمہ موسمیات نا رداٹ بروک آ 24 گھنٹہ ٹی ملک انا قطبی علاقہ بشمول کشمیر و اسلام آباد اٹی پِر وخت اس کہ مش تیا پین برف انا گمان ءِ۔ محکمہ موسمیات پیش گوئی کرینے کہ بروک آ 24 گھنٹہ ٹی لاہور و بڑزکو پنجاب نا چندی علاقہ غاتیٹی ہم پِر اناگمان ءِ۔ رپورٹ نا رداٹ لاہور، اٹک، جہلم، چکوال، سرگودھا، خوشاب، میانوالی، بھکر، گوجرانوالہ، حافظ آباد، سیالکوٹ، نارووال، گجرات، منڈی بہاؤالدین، قصور، شیخوپورہ، ننکانہ صاحب فیصل آباد، جھنگ، ٹوبہ ٹیک سنگھ، چنیوٹ، ساہیوال، اوکاڑہ، پاکپتن و لیہ نا ضلع غاتیٹی ہورہ و گروک اٹ پِرانا گمان ءِ ولے پنجاب نا ایلو ضلع غاتیٹی موسم خشک و یخ مننگ نا گمان ءِ۔ پنجاب نامیدانی علاقہ غاتیٹی سہب انا وخت آ ہم گوتلو مننگ نا ہم پیش گوئی کننگانے۔
