بنجاھی  کابینہ ءِ دیوان ءَ ارزشتی ایں پیسلہ، عمران خان لوٹ ایت کہ ایوان  بالا ءَ زر آنی وسیلگ ءَ آیوکیں کشک ءَ دارگ ءُ بندگ بہ بیت، سپریم کورٹ ءَ گوں نزیکی ءُ کانودی مٹ ءُ بدلی کنگ بوھگ ءَ انت،  وزیر ءِ اھوالکاری  سینیٹر شبلی فراز  ءِ کابینہ  دیوان ءَ چہ پد میڈیا ءَ را بریفنگ

اسلام آباد۔2فروری  (اے پی پی): بنجاھی کابینہ  ءَ ملکی راجدپتر ءَ اولی رند ءَ 192 ملک آنی واسزتہ پاکستانی ویزہ آناں آن لائن کنگ ءِ سپارش ،  نیشنل ایسٹ منیجمنٹ اتھارٹی ءِ برجائی ءِ واستہ مسل وزارت ءِ کانود ءَ را روان دیگ،   رازی نامہ ءِ جتائیں نظام ءِ ھوالگ ءَ کانودی ءِ چیر دستی ءَ در ابیدیں مردم آنی  پینل   ءِ جوڑ کنگ ءِ منظوری داتگ، کابینہ ءَ بیگواہیں مردم آنی ھوالگ ءَ ھاسیں کمیٹی ءَ  را شش ھپتگ آنی وتی سپارش  رد ءُ بند کنگ ءِ پنت ءُ شون کت، مزن وزیر  عمران خان ءَ گوشتگ کہ حکومت بیگواہیں مردم آنی جیڈھ ءَ را پکوئیں رنگ ءَ گیواری ءِ   ھوالگ ءَ جزم  انت کہ استیں دور حکومت ءَ بیگواہ کنگ ءِ نوکیں کیس اچ  مہ بیت، مزن وزیر عمران خان لوٹ ایت کہ ایوان بالا ءَ زر  ءِ وسیلگ ءَ پُتروک آنی کشک مدامی ءِ  واستہ بند  کنگ بہ بیت۔  سپریم کورٹ ءَ گوں نزیکیں ءُ کانودی مٹ ءُ بدلی کنگ  روگ ءَ انت، گوستگیں زمانگ ءَ اے رنگیں دروریں  اچ نہ رس ایت۔ سئے شمبے ءَ بنجاھی وزیر اھوالکاری  ءُ شنگ کاری سینیٹر شبلی فراز  ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ گوشت کہ کابینہ ءَ ھدا مرزی شاہد گوندل ءِ  آکبت پہ ھیری ءَ دعا ءِ نیک کتگ۔   دیون ءِ بنگیج ءَ مزن وزیر عمران  خان ءَ پنت ءُ شون کتگ کہ بنجاھی حکومت ءُ صوبائی حکومت آنی نیمگ ءَ جتا جتائیں سروک آناں پجاری کتگیں پولیس اسکواڈ آنی توامیں  ھال تران گوانک جنگ بہ بنت تانکہ اے نظام ءَ را گہتریں رنگ ءَ  (ریشنلائز ) کنگ بہ بیت۔