اسلام آباد۔2فروری (اے پی پی): مزن وزیر عمران خان ءَ ملک ءَ کورونا ویکیس نیشن گامگیج ءِ بنگیج کت، اولی فیز ءَ فرنٹ لائن ہیلتھ ورکرز ءُ پدا پیریں مردم آناں ویکیسن جنگ بیت، مزن وزیر ءَ گوشت کہ کورونا ویکیسن ءَ را صوبگ آنا ھم کچ ءُ جوانی ءَ بھر ءُ بانگ دل یکیم جوڑ کنگ بیت، معاشی چست ءُ ایر آنی گوما وانگ ءُ زانگی ادارگ ھم پچ بوتگ انت، کوروناس کیسز آنی تہ ءَ کمی بوھگگ ءَ انت، ھوپ ءَ چہ رکھگ ءِ واستہ الس آناں ماسک ءِ کارمری ءُ رکھینگی گامگیج آناں پیلو کنگ لوٹ ایت، اے ھیالانی درشانی آئی ءَ سئے شمبے ءَ ادا کورونا ویکسین گامگیج ءِ بنگیج ءِ موہ ءَ گشتانک دیان ءَ کت۔ اے موہ ءِ سر ءَ بنجاھی وزیر منصوبگ بندی، اسد عمر ، بنجاھی وزیر فواد چوہدری، مزن وزیر ءِ ھاسیں کمکار ڈاکٹر فیصل سلطان ءُ مزن وزیر ءِ ھاسیں کمکار برائے چاگردی رکھینوک ڈاکٹر ثانیہ نشتر اے موہ ءِ سر ءَ ساڑی ات۔
