اسلام آباد۔2فروری (اے پی پی):بھارتی سینئر سفارتکار ءَ را درئی کارانی کارگس ءَ گوانک جنگ بوتگ ءُ ایشرا 2 فروری ءَ بوتگیں ارد آنی نیمگ ءَ لائن آف کنٹرول (ایل او سی) ءِ تتہ پانی ءُ جندروٹ سیکٹر ءَ جنگ بندی ءُ کور ءُ کائی تیر گواری کنگ ءِ پد ءَ جاک ءُ کوکار ریکاٹ کنگ بوتگ۔ بھارتی اُرد ءِ کور ءُ کائی تیر گواری ءِ نتیجگ ءَ سئے زالبول آں ھوار چار بے کسوریں شہری سک ٹپیگ بوتگ انت۔ سئے شمبے ءَ درئی کارانی کارگس ءِ نیمگ ءَ جاڑی بوتگیں جار آنی رد ءَ کلانہ ایں بھارتی سفارتکار ءَ را درئی کارانی کارگس ءَ لوٹ کنگ ءُ جاک ءُ کوکار ءِ مسل آناں ھوالگ کنگ بوتگ ءُ گوشگ بوتگ کہ بھارتی اُرد آں ایل او سی ءُ ورکنگ باوئنڈری ءِ یک شل ءُ ھلاپ کتگ۔
