اسلام آباد۔2فروری (اے پی پی):صدر مملکت ڈاکٹر عارف علوی ءَ گوشت کہ پاکستان ونگ ءُ زانگ ءِ گوما اخلاقی شرپ ءُ ھیل کاری ءِ سر ءَ دلگوشی کنان ءَ مسلمان آنی سروک ءِ رنگ ءَ سہرا بوھگ ءَ انت۔ اے ھیالانی درشانی آئی ءَ سئے شمبے ءِ روچ ءَ ون علی گڑھ انوورسٹی ءِ بنگیجی مراگش ءَ گشتانک دیان ءَ کت۔ صدر ءِ مملکت ڈاکٹر عارف علوی ءَ گوشت کہ وانگ ءُ زانگ ءِ گوما ھیل کاری ءِ پجاری ءِ واستہ اے گامگیج لائک ءِ توسیپی انت، اے ادارگ ءِ برجائی راجدپتر ءِ بنیات ءَ کنگ بوھگ ءَ انت، راج آنی دیمروئی ءَ وانگ ءُ زانگ ءُ ھیل کاری ءُ شرپ ءِ ٹوھیں بھر ءِ بیت۔ آئی ءَ گوشت کہ قرآن ءِ آیگ ءَ چہ پد اصحابی آنی وسیلگ ءَ قرآن پاک ءِ علم ٹرانسفر بوت، نبی کریم ءِ آیگ ءَ چہ یک آشوب ءِ چست بوت، اے آشوب لُٹ ءُ پُل ءِ ھلاپ ات ایشی ءَ چہ بنی آدم ءِ سسا مٹ بوت انت چیا کہ مٹی بنی آدم ءِ اندر ءَ انت۔ زانت ءُ زانش ءَ چہ نسل در نسل مالوم داری ءِ ھزانگ ٹرانسفر بنت، کوھنیں زمانگ ءَ علم سینہ بہ سینہ ٹرانسفر بوتگ انت پدا ھم یک شل ءَ ایشی ءِ اندر ءَ مٹ بوھگ ءَ انت۔ صدر ءِ مملکت ڈاکٹر عارف علوی ءَ اے موہ ءِ سر ءَ ون علی گڑھ انوورسٹی ءِ بنگیج کت۔ اے موہ ءِ سر ءَ آئی زالبول بیگم ثمینہ عارف علوی ھم ساڑی ات۔
