اسلام آباد۔ 02 فروری (اے پی پی) صدر پاکستان ڈاکٹر عارف علوی علامہ اقبال اوپن یونیورسٹی نا پروفیسر ڈاکٹر حسن رضا ءِ ڈین کلیہ راجی علم و پروفیسر ڈاکٹر ارشاد احمد ارشد ءِ ڈین کلیہ سائنسز تعینات کرینے۔ بنجائی وزارت تعلیم و کسبی تربیت دارداٹ تدوک آ دے یونیورسٹی ءِ اسہ لیٹر اسے نا کمک اٹ ہڑتوم آ ڈینز آتا تعیناتی نا پرمان مون تس۔ یات سلے کہ علامہ اقبال اوپن یونیورسٹی نا ایکٹ نا رداٹ صدر پاکستان دا بنجائی یونیورسٹی نا چانسلر مریک۔ پروفیسر ڈاکٹر حسین رضایونیورسٹی نا شعبہ بزنس ایڈمنسٹریشن نا چیئرمین ءِ وخت اس کہ پروفیسر ڈاکٹر ارشاد احمد ارشد شعبہ شماریات نا چیئرمین نا وڑاٹ بھلو وخت اسے آن فرض سرتننگ ءِ۔ ہڑتوم آ سینئر انگا پروفیسر آتا تعیناتی نا عمل آ یونیورسٹی نا استادخاص کر اکیڈمک اسٹاف ایسوسی ایشن وائنس چانسلر، پروفیسر ڈاکٹر ضیاءالقیوم ءِ خراج تحسین پیش کریر و وائس چانسلر نا میرٹ نا پالیسی نا شاندار لوز آتیٹی ستاءِ کرینو۔ ہڑتوم آ ڈینز پوسکن آ زمواری تا چارج ءِ سنبھالنگ آن پد داعزم انا درشانی ءِ کریر کہ او یونیورسٹی انتظامیہ و فیکلٹی باسک آتون اواری اٹ یونیورسٹی نا پبی خذمت ءِ کیرہ۔ وائس چانسلر، پروفیسر ڈاکٹر ضیاء القیوم پوسکن تعینات کروک آ ہڑتوم آ ڈینز آتے مبارکباد ترسا دا است خواہی نا درشانی ءِ کرے کہ اوفتا سرپرستی ٹی فیکلٹی باسک آک جامعہ نا شونداری و نصاب آتے ساڑی آ دور انا خواست آتون ہم گرنچ کننگ کن پین محنت کیرہ۔
