اسلام آباد۔ 02 فروری (اے پی پی) پاک بحریہ نا جہاز پی این ایس نصر افریقی ملک جبوتی و سوڈان نا خیرسگالی دورہ ءِ کریر، ہڑتوم آ ملک آتیٹی بننگ نا وخت آ پاک بحریہ نا جہاز ءِ جم و جوش اٹ بخیر کننگا۔ ترجمان پاک بحریہ نا رداٹ مشن کمانڈر پاکستانی الس نا کنڈآن ہڑتوم آ سنگت ملک آتا الس کن پنجا پنجا ٹن راشن نا ٹیکی ہندی کمامدارآتا حوالہ کریر۔ مشن کمانڈر نا میزبان ملک آتیٹی بڑزکو سول و عسکری کمامدارآتون اوڑدہی کرے ہرافتے ٹی تین پہ تینی است خواہی نا امور و ہڑتوم آ کنڈآتا بحری کمکاری آ گپ وتران کننگا۔ مشن کمانڈر حکومت و امیر البحر نا کنڈآن ہڑتوم آ ملک آتا الس کن خیرسگالی نا کلہو اس ہم سرکرے۔ پاک بحریہ نا جہاز سوڈانی بحریہ تون اسیجائی مشق اٹ ہم بشخ ہلک۔ پاک بحریہ نا جہاز نا دادورہ غان تین پہ تینی شریداری نا پوسکن ءُ کسر ملنگ تون اوار اوار مست آن ساڑی تعلقداری تے پین ودکی رسینگک۔
