اسلام آباد۔1فروری (اے پی پی): مزن وزیر عمران خان ءَ گوشت کہ مدیمہ ءِ ریاست جدید گہبودی ریاست ءِ بوتگ، آھوادا کانود ءَ چہ اچ کس نہ بوتگ، وانگ ءُ زانگی ادارگ آنی اندر ءَ سیرت النبی ﷺ ءِ بن گپ ءِ وانینگ ءِ شور ءُ مشور کنگ بوھگ ءَ انت، ریاست مدینہ ءِ جوانیں رھبند آنی در جنگ ءَ چہ راج ءَ پد ءُ رندگیری کتگ ءُ کامیاتی در جتگ۔ نبی کریم ﷺ ءِ گڈی گشتانک ہیومن رائٹس چارٹر ءِ بے دروریں درور انت۔ اسلامو فوبیا ءِ واکیہ مسلمان آنی واستہ نہ وشیں ساھت انت، گستاخی کنگ ءُ نہ وشیں اکس کاری نہ وشیں ءُ اوپار نہ کشی ساھت انت، اسلامو فوبیا ءِ گر ءُ دار ءِ واستہ مسلمانملک آنی سروک آناں یکجا بوھان ءَ گوانک ءَ را سہرا کنگ لوٹ ایت، دو شمبے ءَ الس ءَ گوں ٹیلی فون ءِ سر ءَ یک شل ءَ تران کنان ءَ مزن وزیر عمران خان ء۔ گوشت کہ مسلمان آنی ٹوھیں کساس ءِ بد بھتی ءَ 1989 ءَ چہ سلمان رشدی ءِ کتاب ءِ اندر ءَ مئے پاکیں نبی ﷺ ءِ شان ءِ گستاخی ءِ سبب ءَ روبرکت ءِ اندر ءَ گوستگیں 30 سال ءَ چہ مئے نبی ءِ شان ءِ گستاخی ءِ رچ بندات بوتگ۔ اے رنگیں گامگیج آں چہ مسلمان آناں تکلیف بیت۔ اے رد ءَ مردم سڑک آنی سر ءَ در کپاں، چیا کہ روبرکت ءَ را اے چیز ے اچ پھم نیست انت۔ آ دین ءَ را دگہ نمونگے ءَ زور انت ءُ چار انت، ھمے وڑ کہ ما سما کن انت ءُ مار انت، دوست داراں، آ نہ زان انت کہ مسلمان آناں چینکاس تکلیف رس ایت۔ آئی ءَ گوشت کہ بنی کریم ﷺ مئے دل آنی اندر ءَ انت۔ آئی ءَ گوشت کہ وھد ءِ من مزن وزیر بوتاں گڈا درستاں چہ پیس او آئی سی ءَ اے ایشو ءَ را من سہرا کت یونائیٹڈ نیشن ءِ جنرل اسمبلی ءَ ایشرا سہرا کت، ملائیشین مزن وزیر ءُ ترک صدر ءِ گوما گند ءُ نند ءَ اے تران کت۔ بازیں مردم زانگ ءَ ابید پاد ءَ پر دنت۔
