اسلام آباد۔1فروری (اے پی پی):صدر مملکت ڈاکٹر عارف علوی ءَ ملک ءِ کامیاتی ءِ کسو ءَ را سہرا کنگ ءِ واستہ “برانڈ پاکستان ” گامگیج بندات کنگ ءِ ضلورت ءِ سر ءَ زور پر داتگ ءُ گوشتگ کہ پاکستان ءِ جیو معاشی پوزیشن ءُ دود ءُ ربیدگی ءُ سیل ءُ سوادی ازمکاری ءِ گوما کاروبار کنگ ءَ آسانی ءُ سرمایہ کاری پالیشی آناں سرجمیں دگنیا ءَ سہرا کنائینگ ءِ وستہ سیادی داروکیں وزارت آنی نیام ءَ جوانیں اھوالکاری نظام تیار کنگ لوٹ ایت۔ آ دو شمبےءَ ادا “برانڈ پاکستان ” ءِ ھوالگ ءَ دیوان ءِ سروکی ءَ کنان ءَ کت۔ دیوان ءَ ھاسیں کمکار برائے زر ءَ آدیم پاکستانی سید ذوالفقار عباس بخاری، ھاسیں کمکار برائے نیشنل سیکورٹی معید یوسف، سیکرٹری اھوالکاری ءُ شنگ کاری، وزارت تجارت ءُ سرمایہ کاری بورڈ ءِ کارندہ آں شرکت کت۔ اے موہ ءِ سر ءَ صدر ءِ مملکت ءَ گوشت کہ ملک ءِ کامیاتی ءِ کسو سہرا کنگ ءِ واستہ “برانڈ پاکستان ” گامگیج بندات کنگ ءِ ضلورت انت، پاکستان ءِ جیو معاشی پوزیشن ، دود ءُ ربیدگی ءُ سیل ءُ سوادی ازمکاری آناں سہرا کنگ ءِ ضلورت انت۔
