اسلام آباد۔1فروری (اے پی پی): مزن وزیر عمران خان ءَ دھکان آنی آسراتی ءِ واستہ بلوچستان ءَ ٹیوب ویل آناں سولر سسٹم ءِ سر ءَ ٹرانسفر کنگ ءِ منظوی داتگ۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ اے دیوان مزن وزیر ءِ سروکی ءَ برجم دارگ بوت۔ دیوان ءَ سر وزیر بلوچستان جام کمال خان ، بنجاھی ءُ صوبائی وزیر ءُ کلانہ ایں کارندہ آں بھر زوری کت۔ ٹیوب ویل آناں سولر سسٹم ءِ سر ءَ ٹرانسفر کنگ ءَ چہ دھکان آناں یک شل ءَ توان ءِ پجاری بوت کنت۔ آھودا توان ءِ رد ءَ رسوکیں تاوان ءَ چہ رکھگ ءِ کمک رسیت۔ مزن وزیر عمران خان ءَ پاور ڈویژن ءُ صوبائی حکومت آناں اے منصوبگ ءِ پد ءُ رند ءِ ھوالگ ءَ ٹوھیں پلان ءُ گامگیج رد ءُ بند کنگ ءُ منصوبگ آنی بابت ءَ ٹائم لائنز آنی رد ءَ روڈ میپ زوت رد ءُ بند کنگ ءِ پنت ءُ شون کت۔ مزن وزیر ءَ گوشت کہ چاگردی ءُ معاشی جاور آنی سر ءَ چار ءُ بچار گران ءَ حکومت ءِ نیمگ ءَ ٹیوب ویل پجاری ءِ واستہ اربانی کلدار ءِ سبسڈی پجاری کنگ ءَ ابید دھکان ڈکال ءِ آماچ انت ءُ آھودا چکروکیں وام یک شل ءَ گیش بوھگ ءَ انت، توان ءِ رد ءَ بوھوکیں تاوان بلوچستان ءُ سرجمیں ملک ءِ الس آناں سگگ کپ انت پمے ھاترا اول سرئی بنیات ءَ اے جیڈھ ءِ گیواری ءَ را دل یکیمی جوڑ کنگ بہ بیت۔ آئی ءَ گوشت کہ سبسڈی ءِ جوانیں کارمردی حکومت ءِ اولی ترجی انت۔
