سندھ ءَ ایمنی تباہ بوتگ،  دگ آنی سر ءَ چین جنگ ءُ مردم آناں لُٹگ بوھگ ءَ انت، بنجاھی وزیر منصوبگ بندی ءُ دیمروئی کار اسد عمر ءِ شکار پور ءَ گشتانک ءُ میڈیا ءَ تران

سکھر۔1فروری (اے پی پی): بنجاھی وزیر منصوبگ بندی ءُ دیمروئی کار اسد عمر ءَ گوشت کہ سندھ ءَ ایمنی تباہ بوتگ، مین دگ آنی سر ءَ چین جنگ ءُ مردم آناں لٹگ ءُ پُلگ بوھگ ءَ انت۔  بنجاھی  حکومت گامگیج چست کنت گڈا پیپلز پارٹی  18 ھژدھمی مٹ  ءُ بدلی ءِ بیم  ءَ سما کنت، الس آنی جان ءُ مال ءِ رکھینگ حکومت  ءِ زمہ واری  انت، سندھ ءِ الس آناں ڈاکو  آنی صدقہ ءَ  ایوک یل دات نہ کناں۔  بنجاھ وتی زمہ واری  پھم ایت۔  ضلورت کپت گڈا ایمنی ءِ برجائی ءِ واستہ رینجرز  آنی وسیلگ ءَ آپریشن کنگ بیت۔  سندھ ءَ گورنر راج جنگ نہ بوتگ، ایشی ءَ ابید دگہ ھم آپشن است انت ، آواناں کارمرد کنگ بوت کنت۔ آپ ءِ کمی ءَ را دور کنگ ءِ واستہ سندھ بیراج ءِ سر ءَ کار پیسر ءَ چہ بندات کنگ بوتگ۔ اے ھیالانی درشانی آئی ءَ شکار پور ءَ  راجی اسمبلی ءِ باسک غوث بخش مہر ءُ صوبائی اسمبلی ءِ باسک شہر یار مہر   ءِ کوچگ وزیر آباد ءَ مچی ءَ گوں گشتانک ءُ میڈیا ءَ تران کنان ءَ کت۔