اسلام آباد۔1فروری (اے پی پی): مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ءَ گوشت کہ 10 بلین ٹری سونامی منصوبگ دگنیا ءِ واستہ ایٹماسپئر ءِ رکھینگ ءُ دیمروئی ءِ ھوالگ ءَ یک ماڈل پراجیکٹ ءِ جوڑ بوتگ، پاکستان ایوکیں دیمروئی کنوکیں ملک ات ھما کہ وتی آسراتی ءَ چہ ناں ایوک ءَ جنگل آناں رکھینگ ءَ بلکینگ ءَ جنگل آنی پراھ ءُ شاھیگانی ءِ تہ ءَ دیمروئی کنگ ءَ انت۔ اے ھیالانی درشانی آئی ءَ دو شمبے ءَ نیشنل فاریسٹ مانیٹرنگ سسٹم پورٹل ءِ بنگیج ءُ جنگل آنی محکمہ آناں نوکیں ساز ءُ سامان پجاری کنگ ءِمراگش ءَ گوں گشتانک دیان ء۔ کت۔ آئی ءَ گوشت کہ ریڈ پلس میکنزم دگنیا ءَ را جنگل آنی ارزشت ءِ ھوالگ ءَ سرپدی دنگ ءُ درچک آنی سیت ءَ را سہرا کنگ ءِ واستہ تیار کنگ بوتگ۔ امین اسلم ءَ گوشت کہ ایٹماسپیئر ءِ اندر ءَ سلیں گیس آنی یل بوھگ ءِ سبب ءَ گرین گس گیس آنی 11 درسد جنگل آنی گُڈگ ءِ سبب ءَ بیت۔ آئی ءَ گوشت کہ درچک موسمی مٹ ءُ بدلی ءِ سبب جوڑ بوھوکیں چیز آناں ساپ کنگ ءِ 30 درسد کمکار سہرا بوت کن انت۔ پمے ھاترا جنگل ءُ درچک ھردوک رکھینگی انت
