اگہ اسٹیڈیم اس گوادر کرکٹ اسٹیڈیم آن زیات خوبصورت ءِ تو مون آ اتنگے، آئی سی سی نا ٹویٹ

دبئی۔ 01 فروری (اے پی پی) انٹرنیشنل کرکٹ کونسل (آئی سی سی) نا رداٹ گوادر کرکٹ اسٹیڈیم نا زیبائی مچ آ دنیا نا چکار ءِ دوئی کرینے۔ آئی سی سی تینا ٹویٹر آ سحر انگیز گوادر کرکٹ اسٹیڈیم نا عکس ءِ شیئرکرینے و دانا زیبائی آن زہمی مرسا غٹ ءِ چیلنج ہم تسنے کہ اگہ داوڑنا پین زیباءُ اسٹیڈیم اس ارے تو اونا عکس ءِ مون آ اتنگے۔ آئی سی سی گوادر اسٹیڈیم نا ستاءِ کرسا تینا ٹویٹ اٹی نوشتہ کرینے کہ زیبائی نا لحاظ اٹ داڑآن گچین ءُ پین اسٹیڈیم خنتنوٹ۔ آئی سی سی نا دا چیلنج آن پد شونکیک کیپ ٹاؤن تون اوار ایلو اسٹیڈیم تا عکس آتے شیئر کننگ ءُ۔ تدوک آ دے گوادر اٹی کارریلی نا نمائش تون کرکٹ میچ انا ہم عکس اس وائرل مس اوکان پد گوادر کرکٹ اسٹیڈیم نا زیبائی نا ہرکنڈآ سفت مننگ ءِ۔ پاکستان اٹی سیکورٹی حالیت آتیٹی گچینی آن پد انٹرنیشنل کرکٹ نا بحالی تون اوار مچ آ دنیا نا سیل و سواتی تیکن پاکستان پسندیدہ ملک جوڑ مرسا ہِننگ ءِ۔