گوادر پورٹ اہم لاجسٹک،واپار، صنعت، سائنس و ٹیکنالوجی، دودوربیدہ و تعلیم نا مرکز جوڑ مننگ نا کنڈآ ہِننگ ءِ، زرکاری بورڈ

اسلام آباد۔ 01 فروری (اے پی پی) پاکستان نا سویل دیکی ٹی گوادر پورٹ اسہ اہم لاجسٹک، واپار، مون آ بروک صنعت، سائنس و ٹیکنالوجی، دودوربیدہ و تعلیم نا مرکز اس جوڑ مننگ نا کنڈآ ہِننگ ءِ۔ زرکاری بورڈ انارداٹ داوخت آ گوادر پورٹ انا شونداری نئے بیرہ بلوچستان بلکن جم وڑاٹ پاکستان نا زرگزرانی شونداری ءِ مون آ دننگ ءِ۔ گوادر بندرگاہ اوغانستان، تاجکستان و نیامی ایشیانا ایلو ملک آتیکن خڑک انگا سمندری بندرگاہ، علاقائی لاجسٹکس و شپنگ نا مرکز جوڑ مریک۔ پاکستانی سرکڑدہ چین پاکستان اقتصادی راہداری نا چمکوک آ موتی گوادر پورٹ انا تفنگ ءِ پدریسہ مون آ دننگ ءِ بھاز اہمیت ایتک۔ گوادر پورٹ اٹ تعلقدار ڈٹ آتا تفنگ اٹ ترندی اتنگ کن چین و پاکستان نا تعلقدار محکمہ غاک 30 نومبر 2020ء آ ویڈیو لنک انا کمک اٹ اسیجائی ورکنگ گروپ(جے ڈبلیو جی) نا پنچ میکو دیوان ءِ اڈ تسر۔ ہراٹی ہڑتوم آ کڑدہ غاک گوادر پورٹ انا بابت ڈٹ، سڑک و ہوائی پنجر، دیر و سفائی ستھرائی نا آسراتی تا فراوانی آ پیش رفت نا جاچ ءِ ہلکر۔ 2020ء نا اول آن چین و پاکستان اسیجائی وڑاٹ کورونا دین انا اثر آتا مون ءِ توننگ و گوادر سیریز ڈٹ آتا سوگو و پائیدار تفنگ و عملدرآمد ءِ مون آ دننگ کن اسیجاکوشست کرینو۔