اسلام آباد۔1فروری (اے پی پی): مزن وزیر ءِ ھاسیں کمکار برائے راجی جان سلامتی ڈاکٹر فیصل سلطان ءَ چین ءِ شگر ءُ منت گپت ءُ گوشت کہ چین ءَ چہ کوویڈ 19- ویکسین ءِ اولی بھر پاکستان ءَ سر بوتگ۔ دو شمبے ءَ وزارت ءِ نیمگ ءَ جاڑی بوتگیں ھال آنی رد ءَ ھاسیں کمکار ءَ چین ءَ چہ تیار بوھوکیں کویڈ 19 – درمان پجاری کنگ ءِ پد ءَ چین ءِ جزم ءِ توسیپ کت ءُ گوشت کہ چین اولی ملک انت کہ آئی ءَ پاکستان ءَ را کویڈ-19 ویکسین ٹیکی ءَ دات۔ آئی ءَ گوشت کہ چین ءَ 5 لکھ درمان ٹیکی کتگ۔ آئی ءَ گوشت کہ درستاں چہ پیش فرنٹ لائن کار کنوکیں ورکرز آناں ویکیسن جنگ بیت۔ آئی ءَ گوشت کہ ویکیسن ءِ واستہ 4 لکھ ءَ چہ گیش ہیلتھ ورکرز آں دزبندی جم کتگ۔
