اسلام آباد۔30جنوری (اے پی پی): گوستگیں بیست ءُ چار کلاک آنی ساھت ءَ کورونا وائرس ءِ سبب ءَ پنجاپ ءَ چہ پد سندھ ءَ درستاں چہ گیش مردم بیرانی ریکاٹ کنگ بوتگ۔ سرجمیں ملک ءَ گوستگیں بیست ءُ چار کلاک آنی ساھت ءَ کورونا وائرس ءَ چہ 65 مردم بیران بوتگ انت ایشانی تہ ءَ 36 بیران وینٹیلیٹرز ءِ سر ءَ استیں مریض بوتگ انت۔ نیشنل کمانڈ اینڈ آپریشن سینٹر ءِ نیمگ جاڑیگیں ھساب ءُ داد آنی رد ءَ گوستگیں 24 کلاک آںی ساھت ءَ سرجمیں ملک ءَ 2 ہزار 179 مردم ءِ کویڈ۔19 ٹیسٹ پازیٹیو اتکگ ءُ 65 مردم اے وائرس ءَ چہ بیران بوتگ انت ایشانی تہ ءَ 58 مردم ہسپتال آنی تہ ءَ وھدیکہ 7 مردم گس آنی اندر ءَ قرنطینہ ءِ ساھت ءَ بیران بوتگ انت۔
