ساہیوال۔29جنوری (اے پی پی): مز ن وزیر عمران خان ءَ گوں ساہیوال ءَ جان سلامتی، ساپ ءُ سلہ ایں آپ ءِ پجاری ءُ ایندگر دیمروئی منصوبگ آنی بن ھشت ءَ را ایر کت۔ آدینگ ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءَ ڈسٹرکٹ ھیڈ کوارٹر ہسپتال ءَ میاں اوستمانی کد ءُ بالاد ءِ کارڈیالوجی ءُ کارڈیک سرجی بلاک ءِ بن ھشت ءَ را ایر کت، نوکیں بلاک ءِ جوڑیشت ءَ چہ ساہیوال ءِ مردم آناں ھندی تک ءَ میاں اوستمانی کد ءُ بالاد ءِ دوا ءُ درمان ءِ آسراتی پجاری بیت۔ ایشی ءَ ابید مزن وزیر مزن وزیر عمران خان ءَ سالڈ ویسٹ سیگریگیشن، ٹریٹمنٹ اینڈ ڈسپوزل منصوبگ ءِ بنگیج کت۔ اے منصوبگ ءِ چیر دستی ءَ آکوٹ ءُ کچرا آنی یکجا کنگ ءَ پد ایشاناں جتا جتائیں بھر آنی تہ ءَ گیشینگ ءَ پد گہتریں رنگ ءَ ویسٹ کنگ بیت۔ ایشی ءَ گوما آئی ءَ ساہیوال ءَ سالڈ ویسٹ منیجمنٹ اکیڈمی ءِ بن ھشت ءَ را ایر کت۔ ایشی ءَ ابید مزن وزیر ءَ پاکپتن ءَ بابا فرید الدین گنج شکر ءِ دربار ءَ جوڑ کتگیں لنگر خانہ “سرائے قطب” ءِ بنگیج کت۔
