ساہیوال۔29جنوری (اے پی پی): مزن وزیر عمران خان ءَ کبزہ کنوکیں گروپ آنی ھلاپ ءَ کاروائی ءِ پد ءَ پنجاپ حکومت ءَ را مبارک بات دات ءُ گوشت کہ سر وزیر پنجاپ ءَ کبزہ گیر آناں پروش داتگ، کانود ءِ مستری ءَ چہ وشھالی کئیت، ٹوھیں ٹوھیں ڈاکو آناں دست جنگ ءَ چہ مٹی کئیت، نوں یک مزنیں ٹوکو ءِ ایش گوشت نہ کنگ کہ این آر او بدئے ناں کہ حکومت ءَ دور دیاں، پنجاپ ءِ الس آناں ہیلتھ ءُ انشورنس ءِ آسراتی پجاری کنگ بہ بیت۔ جان سلامتی ءَ ابید وانگ ءُ زانگ ءِ سرکاری شوبگ ءَ را ھم گہتر جوڑ کنگ بیت، گوزوکیں مالی سال ءَ بلدیاتی الیکشن بنت ایشی ءَ چہ ھندی تک ءَ جیڈھ آناں گیواری کنگ بیت، ساہیوال ءَ انڈسٹریل اسٹیٹ جوڑ کنگ بیت، ھندی رنگ ءَ تیار کنوکیں سیوریج ٹریٹمنٹ پلانٹس جنگ بیت، کشت ءُ کشاری شوبگ ءَ نوکیں ٹیکنالوجی سہرا کنگ بیت۔ اے ھیالانی درشانی آئی ءَ آدینگ ءِ روچ ءَ احساس ءُ کامیات ورنا پروگرام ءِ چیر دستیءَ چیک بھر ءُ بانگ کنگ ءِ مراگش ءَ گشتانک دیان ءَ کت۔ مزن وزیر عمران خان ءَ سر وزیر پنجاپ عثمان بزدار ءُ آئی ءِ ٹیمب ءَ را کبزہ گیریں گروپ آنی ھلاپ ءَ کاروائی کنگ ءِ پد ءَ مبارک بات دیان ءَ گوشت کہ ھمے رنگ ءَ کبزہ کنوک آنی محل ءُ ماڑی آناں دور داتگ ءُ پروشتگ اے گپ ءِ سر ءَ مبارک بات ءِ لائک انت۔
