کوئٹہ۔29جنوری (اے پی پی): سر وزیر بلوچستان جام کمال خان ءِ سروکی ءَ یکجائی سیتی کونسل، سی سی آئی ءِ آیوکیں دیوان ءِ ایجنڈا آنی تہ ءَ ھواریں کار آنی سر ءَ چار ءُ تپاسی ءُ اے بابت ءَ صوبائی حکومت آنی بن گپ آناں پکوئیں رنگ دیگ ءِ واستہ مزن تکی دیوان ءِ برجم دارگ بوت۔ دیوان ءَ سر وزیر ءِ پرنسپل سیکرٹری، سیکرٹری صوبگ آنی وت مہ وت نزیک کنوک، سیکرٹری ہائر ایجوکیشن، سیکرٹری گہبود آباتی ، اسپیشل سیکرٹری ھزانگ ، ڈائریکٹر جنرل پبلک ریلیشن ءَ ھوار ایندگر سیادی داروکیں کارندہ آں بھر زوری کت۔ دیوان ءَ یکجائی سیتی کانسل ءِ آیوکیں بوھوکیں دیوان ءِ تیاری کار آنی سر ءَ چار ءُ تپاسی گرگ بوت۔ سر وزیر ءَ پنت ءُ شون کت کہ آئل ءُ ھاسیں رنگ ءَ ھاٹیگ ءِ ھوالگ ءَ ایجنڈا آنی بابت ءَ سی سی آئی ءِ دیوان ءَ جوانیں بن گپ ایر کنگ بہ بیت۔
