کوئٹہ۔ 29 جنوری (اے پی پی) ایم ایس سنڈیمن ہسپتال کوئٹہ ڈاکٹر ارباب کامران کاسی پارینے کہ سیکرٹری جان جوڑی حکومت بلوچستان نا خصوصی پارت و است خواہی آن سنڈیمن ہسپتال کوئٹہ ناجوڑ آتے جان جوڑی نا گچین آسراتی تننگ ءِ و غٹ ناجوڑ آتے بنداوی آسراتی کن کوشست کننگ ءِ۔ داخیال آتا درشانی ءِ او تینا آفس اٹی چندی ڈل آتون اوڑدہی ٹی گپ وتران کرسا کرے داوخت آ آرایم او ڈاکٹر عبدالحفیظ سیال ہم ساڑی ئس اوپارے کہ سنڈیمن ہسپتال اٹ غٹ ناجوڑ آتیکن اوپی ڈی برجاءِ دوائی تتون اوار اوار ایلو آسراتی تے ہم فراوان کننگ انگ ءِ۔ اوپارے کہ الس ءِ جان جوڑی نا آسراتی فراوان کننگ ننا اولیت آتیٹی اوار ءِ وخت اس کہ ہروڑنا ایمرجنسی نا حالیت اٹ ننا عملہ بیست ءُ چار گھنٹہ ساڑی ءِ۔ اوپارے کہ صوبہ نا غٹ آن بھلا ہسپتال ہراٹی ہزار آتا کچ اٹ مچ آ صوبہ غان ناجوڑ آتا رش مریک ہراکہ ہم دوئی وسیلہ غاتیٹی مرسا پبی گام گیج کننگ ءِ۔ وخت اس کہ غٹ عملہ ءِ ڈیوٹی نا پابند کننگانے۔
